Le miluongo ni sea cucumbers dakga e bwo nembe kod e kind gik motwi e bwo nam. Pien dendgi nyaloga lokore ma bed ma gwagwa, moruodho oruodho, kendo seche moko ma chuopo. Gin gi nyalo makende mar loko pien dendgi ma piyo kuom dakika matin ma gibed motal ka bao kata mayom ma koro onyalo nudore. Nyalo ma gin-gono miyoga seche moko gidonjo kuonde ma tindo ahinya kae to gipadore kuondego sama le moro dwaro chamogi. Ginyaloga lokore kamano nikech gimoro makende ma nitie e pien dendgi.

Par ane: Pien dend sea cucumber nyalo lokore e tieng’ adek​—ma tek ta, ma ok tek ahinya, kata ma yomyom. Leno nigi nyalo mar jing’o pien dende mondo obed matek, kata onyalo weyo jing’o dende mondo obed mayom. Protein ma ni e dendgi e ma miyogiga nyalo mar timo mano.

Sama gijing’o protein mag del kamano, ler kata leche man kama gijing’ono miyoga pien dendgi bedo matek ta. To sama gimbeko protein man e dendgi to leche man kuondego miyoga pien dendgi bedo mayom. Leno nigi nyalo mar miyo pien dende obed mayom ma chop kama ochalo mana gima oo piny mana ka nyuka.

Jo sayans temo loso masinde kod gik mamoko ma nyalo chalo gi piend sea cucumber. Achiel kuom gik ma gitemo loso en gik mibiro tigo e yeng’o mar obwongo ma nyalo lokore kendgi ma gibed matek, kae to bang’e gibedo mayom. Mano nyalo miyo obwongo ochang mapiyo bang’ yeng’o.

Ineno nade? Be nyalo ma pien dend sea cucumber nigono nosieko kende, koso nitie ng’ama nochueye?