Be Muma Nyalo Konya Bedo gi Ngima Mamor mar Joot?
Dwoko ma Muma chiwo
Ee. Kuom ranyisi, ne ane puonj moko mag Muma ma osekonyo ji mathoth mondo gibed gi ngima mamor mar joot:
Beduru gi barup kend ma sirkal opwodho. Joma osingore ni gibiro dak kanyachiel e ngimagi duto kendo ma nigi barup kend, nyalo timo kinda mondo gidag gi mor.—Mathayo 19:4-6.
Nyis hera kod luor. Mani oriwo timo ne jaodi gik ma in bende diher ni mondo otimni.—Mathayo 7:12; Jo-Efeso 5:25, 33.
Kik iti gi weche ma chwowo chuny. Ti gi weche mang’won kata ka jaodi owachoni kata otimoni gimoro mochwanyi. (Jo-Efeso 4:31, 32) Muma wacho kama e Ndiko mar Ngeche 15:1: ‘Duoko wach mamuol geng’o mirima, to wach malit jimbo ich wang’.’
Makri motegno gi jaodi. Kwed gombo maricho mag nindruok ma nyalo miyo idonj e timbe mag terruok. (Mathayo 5:28) Muma wacho niya: “Kend mondo obed gima ji duto miyo luor, kendo otanda mar kend kik dwany.”—Jo-Hibrania 13:4.
Tieg nyithindi e yor hera. Kik ibed ng’at ma mbeko chik, to bende kik ibed ng’at mager.—Ngeche 29:15; Jo-Kolosai 3:21.
Samoro Inyalo Hero Magi Bende
KAKA JOODI NYALO BEDO GI NGIMA MAMOR
Genuru Nyasaye Mondo Udag Mamor e Kend Maru
Tiyo gi penjo moko mayot ariyo nyalo konyou e ngimau mar kend.
WECHE E WIWA
Kwa Mondo Opuonji Muma Nono ma Onge Chudo
Yud puonjruok Muma ma onge chudo e sa mowinjore kodi kendo e kama ihero.