Muma oyie ni ng’ato nyalo ketho kend mare chuth. Yesu nowacho ni nitie gimoro achiel kende ma nyalo miyo ng’ato oketh kend mare chuth. Nowacho niya: “Ng’ato ang’ata ma ketho kend gi chiege chuth mak mana nikech wach terruok [timbe nindruok gi ng’at ma ok en jaodi], mi okendo machielo, ochodo.”—Mathayo 19:9.

Nyasaye osin gi ng’at ma tiyo gi miriambo mondo oketh kend mare. Obiro kawo okang’ mar kumo joma ketho kendgi ma onge gima lich momiyo gitimo kamano, to moloyo ka giketho kendgi mondo giyud thuolo mar kawo ng’at machielo.—Malachi 2:13-16; Mariko 10:9.