Gol:

• Wer ma Nigi Alama mag Thum

1. 1. Achiewo gokinyi, aikra maler.

   Alamo Jehova kendo wuok maber.

   Jo akwede nokwer kik mondo alend.

   An to Nyasaye e ma nawinj.

   (KORAS)

   An gi kuwe e chunya, kaka yamo ma kutho mayom.

   Ka Jehova ni koda, ang’o ma daluor?

   Ka Jehova ni koda, ang’o ma daluor?

2. 2. Aduogo e ot, kendo paro maler,

   Kaka nalendo ne ng’ato maber.

   Alamo mondo achak arom kode,

   Ang’eyo ni adiera nyalo konye.

   (KORAS)

   An gi kuwe e chunya, kaka yamo ma kutho mayom.

   Ka Jehova ni koda, ang’o ma daluor?

   Ka Jehova ni koda, ang’o ma daluor?

   (BANG’ KORAS MAR 2)

   Weche Ruoth Jehova chalo gi mach,

   Ma liel e chunya, nyaka aland.

   Nyinge maler aland kuonde te,

   Kendo lando berne e ngimana te.

   Owetena bende kedo matek.

   Atego yiena e kinde te.

   Ageno Ruodha, apake gi wer,

   Ang’eyo ni nokel piny manyien.

3. 3. Seche osechopo, koro ayue,

   Alemo mondo anindi maber.

   Kaka kiny biro chal, ok ang’eyo,

   To gima ang’eyo, ok abi luor.

   (KORAS)

   An gi kuwe e chunya, kaka yamo ma kutho mayom.

   Ka Jehova ni koda, ang’o ma daluor?

   Ka Jehova ni koda, an ok abi luor.