Be isegawinjo ka in kendi? Ka en kamano to nyalo bedo ni isewinjo kaka jandik-zaburi ma nowacho kama: “Achalo gi winyo man kende e wi tado.” (Zaburi 102:7) Rieko ma yudore e Muma nyalo konyi nyagruok gi pek minyalo bedogo nikech in kendi.

•  Med tego winjruok ma in-go gi Nyasaye

•  Som sula moko ma yudore e Muma ma nyalo hoyi

•  Ng’e gimomiyo gik maricho timore

•  Kik iparri e wi gik ma ok ochuno

•  Many osiepe

•  Tim gik ma nyalo rieyo dendi

 Kata mana sama in kendi, pod inyalo yudo mor kuom tego winjruok ma in-go gi Nyasaye. (Mathayo 5:3, 6) Gik ma luwogi nyalo konyi timo mano.

•   Muma manie intanet molok adimba kendo ma somo yot

•   Online Bible Study Lessons ma yudore e websaitwa biro miyi dwoko mag penjo ma chando ji ahinya

•   Vidio ma chieko-chieko ma wuoyo e wi puonj moko madongo mag Muma

•   “Dwoko Penjo ma Ji Nigo e Wi Muma”​—Dwoko ma chiel ka achiel e wi penjo ma ji nigago

•   “Luw Yie Margi”​—Sula ma wuoyo kuom jotich Nyasaye machon miwuoyoe e Muma

•   “Be Nosieko Kende Koso Nochueye?”​—Sula ma wuoyo e wi chuech, bergi, kod gik ma wapuonjore kuomgi

 Ndiko kaka man piny kaegi osehoyo ji mathoth. Kar somo ndiko moriedgo duto dichiel, tem somo moro ka moro, kae to ipar matut e wi gik misomogo kendo ilem.​—Mariko 1:35.

•   Zaburi 23:1-6

•   Zaburi 34:1-22

•   Zaburi 46:1-11

•   Zaburi 63:6-8

•   Zaburi 91:1-6

•   Mathayo 6:25-34

•   2 Jo-Korintho 1:3, 4

•   Jo-Filipi 4:6, 7

•   1 Petro 5:6, 7

 Inyalo nyagori maber gi pek ma iromogo ka ing’eyo gimomiyo gitimore kod gimomiyo Nyasaye pod oweyogi.​—Isaya 65:17.

•   Ang’o momiyo Nyasaye oweyo chandruok mondo obedie?

•   Ang’o ma Muma wacho e wi tuoche?

•   Gin ang’o ma nyiso ni wadak e ndalo mag giko?

•   Joidh farese ang’wen miwuoyoe e bug Fweny gin jomage?

•   Ang’o ma Pinyruodh Nyasaye biro timo?

 Sula ma wuoyo kuom weche ma luwogi nyalo konyi ‘weyo bedo gi parruok’ sama in kendi.​—Mathayo 6:25.

•   Kaka wanyalo kedo gi parruok

•   Ang’o ma nyalo konyi bedo gi paro mowinjore?

•   Parruok ma bedoe nikech masiche

•   Parruok e wi weche mag pesa

•   Gik ma chandoga thoth rowere

 Osiepe nyalo konyi sama inyagori gi parruok sama in kendi, kendo ginyalo jiwi sama koro ok inyal romo kodgi wang’ gi wang’. Ka di po ni chal moro oketi ma ok inyal wuok ot, inyalo tudori gi osiepeni e yor vidio kata simu mondo imed gero osiep manie kindi kodgi kendo imed loso osiepe mamoko ma nyalo jiwi. Sula ma wuoyo kuom weche ma luwogi biro konyi ng’eyo kaka inyalo yudo osiepe, kendo kaka in iwuon inyalo bedo “osiep madier.”​—Ngeche 17:17.

•   Ang’o minyalo timo mondo ibed gi osiepe mabeyo?

•   Ang’o minyalo timo mondo ibed gi osiepe mopogore opogore?

•   To nade ka ineno ni ionge gi osiepe?

•   Los osiep kuom bedo ng’ama konyo jomamoko

•   Los osiep kuom bedo ng’ama goyo erokamano

 Muma wacho bende ni “tiego del konyo.” (1 Timotheo 4:8) Ka itimo tije moko ma nyalo rieyo dendi to mano nyalo konyi nyagruok gi parruok kendo miyo ibed gi ngima maber. Mano nyiso ni kata ka di po ni iriyo e pacho, pod rieyo del nyalo konyi isik ka itegno.

•   Kik isik ka ibet abeta; tim gik ma rieyo dendi

•   Bed gi chuny modhil