Zaburi 80:1-19
Ne jatend wer. Wendni onego ower gi dwol mar “Ondanyo.” Wer ma paro ne ji wach moro. Zaburi mar Asaf.+ Wer.
80 A Jakwadh Israel, winjwa,In e mitayo Josef mana ka ng’at ma tayo kueth.+
Ibet e kom-loch man e wi* jokerubi,+Rienynwae.
2 Nyis tekoniE nyim Efraim, gi Benjamin, kod Manase,+Bi ireswa.+
3 Yaye Nyasaye, duogwa iri;+Kendo mi wang’i orienynwa mondo wayud warruok.+
4 A Jehova Nyasach oganda lweny, ibiro sin gi lamo mag jogi nyaka karang’o?+
5 Isemiyo gichamo pi wang’ ka chiembgi,Kendo isemiyo gimodho pi wang’ modhuro.
6 Isemiyo wabedo gima ogendni ma wakiewogo laro;Wasikwa nyierowa anyiera.+
7 Yaye Nyasach oganda lweny, duogwa iri,Kendo mi wang’i orienynwa mondo wayud warruok.+
8 Ne igolo mzabibu+ moro e piny Misri.
Ne iriembo ogendni e pinjegi mipidhe.+
9 Ne ilosone lowo maber,Kendo tiendene nomoko e lowo molandore e piny.+
10 Tipone noumo gode duto,Kendo bedene noumo yiend sida mag Nyasaye.
11 Noyaro bedene mochopo nyaka e nam,Kendo noloth mochopo e Aora.*+
12 Ang’o momiyo isemuko ohinga ma nochielgo yadh mzabibu?+Ji duto ma kalo machiegni pono olembene.+
13 Mbithe mag bungu kethe,Kendo le mag bungu chame.+
14 Yaye Nyasach oganda lweny, duog irwa.
Ng’i ane piny ka in e polo!
Rit mzabibuni maber,+
15 Mzabibu ma lweti ma korachwich e ma nopidho,+Kendo rit wuoyi* ma in iwuon ne itego.+
16 Osewang’e gi mach,+ motong’e piny.
Kibedo mager kodgi to gilal nono.
17 Mad lweti sir jal mobet e badi korachwich,Ma en wuod dhano misemiyo teko.+
18 Eka ok wanachak walokre waweyi.
Ritwa mondo waluong nyingi.
19 A Jehova Nyasach oganda lweny, duogwa iri,Kendo mi wang’i orienynwa mondo wayud warruok.+
