Zaburi 56:1-13
Ne jatend wer. Wendni onego ower gi dwol mar “Akuru Moling’ Man Ka Mabor.” Zaburi mar Daudi. Miktam.* Ka ne Jo-Filistia omake e piny Gath.+
56 Yaye Nyasaye, kecha nikech ji lawa ka gidwaro hinya.
Odiechieng’ duto gigoya kendo gisanda.
2 Wasika lawa odiechieng’ duto;Ji mathoth kedo koda.
3 In e ma ageno kuomi+ sa ma luoro omaka.+
4 Ageno kuom Nyasaye ma apako wachne.
Ageno Nyasaye; ok abi bedo maluor.
Dhano adhana ditimna ang’o?+
5 Gisiko giketho chenroga;Kinde duto gichano kaka digihinya.+
6 Gibutona mondo gimonja;Ginono gik moko duto ma atimo+Mondo ginega.+
7 Kwedgi nikech richogi.
Yaye Nyasaye, kum ogendni gi mirimbi.+
8 Ing’eyo wuodhena.+
Kan pi wang’a e chupani,*+
Donge isendikogi piny e bugi?+
9 Wasika biro ringo ka aluongi mondo ikonya.+
An gadiera chuth kuom wachni: Nyasaye en jakora.+
10 Ageno kuom Nyasaye ma apako wachne.
Ageno kuom Jehova ma apako wachne.
11 Ageno Nyasaye; ok abi bedo maluor.+
Dhano adhana ditimna ang’o?+
12 Yaye Nyasaye, abiro timo kaka asesingorani;+Abiro chiwo mich mag erokamano.+
13 Nikech iseresa e tho,+Kendo isegeng’o tienda mondo kik achwanyra,+Mi koro awuotho e nyim Nyasaye ka angima.+
