Zaburi 35:1-28
Zaburi mar Daudi.
35 Yaye Jehova, kwed jo ma kweda;+Ked gi jo ma kedo koda.+
2 Kaw okumbani matin* gi okumbani maduong’,+Mondo ibi ikonya.+
3 Ikri gi tong’ kod le ma dhoge ariyo mondo ikedgo gi jo ma lawa.+
A Nyasaye, nyisa ni in e jawarna.+
4 Mad jo ma dwaro kawo ngimana oyud wich-kuot gi achaya.+
Mad jo ma chano hinya oyud wich-kuot mi gidog chien.
5 Mad gichal gi mihudhi ma yamo tero;Mad malaika mar Jehova oriembgi gidhi mabor.+
6 Mad yoregi otim mudho kendo obed ma pothSa ma malaika mar Jehova lawogi.
7 Nikech gichikona obadho kayiem nono mondo gimaka,Kendo gikunyona bur kayiem nono.
8 Mad masira yudgi apoya,Kendo gimok e obadho ma ne gichikona.
Mad ginyumre e bur ma ne gikunyo.+
9 To chunya noil kuom gima Jehova osetimo,Kendo abiro bedo moil nikech oseresa.
10 Abiro wacho gi chunya duto niya:*
“En ng’a ma chal kodi A Jehova?
Ireso jo ma nyap e lwet jo ma nigi teko moloyogi;+Adier, ireso jo ma onge teko gi jochan e lwet jomecho.”+
11 Joneno ma wengegi tek osebiro+Gipenja gik ma ok ang’eyo.
12 Gichula rach kar ber,+Gimiyo chunya lit.
13 Gin to ka ne gituo ne arwako law gunia,Ne asando ringra ka ariyo kech,Kendo ka ne ok odwok lamona,
14 Nawuotho koni gi koni kaywak mana ka ng’at ma ywago osiepne kata owadgi;Chunya nokuyo mana ka ng’at ma ywago min mare.
15 To ka nachwanyora ne gichokore ka gimor;Ne gibutona mondo gigoya,Ne gikidha matindo tindo kendo ne ok giling’.
16 Jo ma ok oluoro Nyasaye jara ajara,*Gikayona lekegi gi mirima.+
17 Yaye Jehova, ibiro siko kineno anena gigi nyaka karang’o?+
Resa kik gihinya,+Res ngimana e dho sibuochego.+
18 Eka abiro goyoni erokamano e chokruok maduong’,+Anapaki e dier oganda maduong’.
19 Kik iyie jo ma omon koda kayiem nono onyiera;Kik iyie ne jo ma osin koda kayiem nono+ ojara.*+
20 Nikech ok giwach weche kuwe,To gichano gik maricho ne jo ma odak gi kuwe e piny.+
21 Giyawona dhogi maduong’ ka gihangona wach.
Giwacho niya: “Ha! Ha! Wengewa oseneno kopodho.”
22 Yaye Jehova, iseneno gima otimore. Kik iling’ aling’a.+
Yaye Jehova, kik ibed mabor koda.+
23 A malo, kendo chung’ mondo ikonya,Yaye Jehova Nyasacha, kedna e bucha.
24 Ng’adna bura makare,+ yaye Jehova Nyasacha;Kik iyie wasika osungre ni giseloya.
25 Kik iwe giwach niya: “Ha! Otimore mana kaka ne wadwaro.”
Kik iwe giwach niya: “Koro to wasemuonye.”+
26 Mad ji duto mamor nikech chandruoknaOyud wich-kuot maduong’.
Mad jo ma ting’ore malo oyud wich-kuot kod achaya.
27 To mad jo mamor nikech aloyo bura okog gi ilo;Mad gisik ka giwacho niya:
“Jehova mondo oting’ malo nikech omor sa ma jatichne nigi kuwe.”+
28 Anapar matut timbeni makare.+Kendo anapaki odiechieng’ duto.+
Weche Moler Piny
^ Joba asere e ma kinde mang’eny ne ting’o okumba matin.
^ Kata, “Chokena duto biro wacho niya:”
^ Kata nyalo bedo, “Jo ma ok oluoro Nyasaye jara mondo giyud chiemo.”
^ Kata, “osin koda osigre gi wengegi mar timona marach.”
