Zaburi 147:1-20
147 Pakuru Jah!*
En gima ber ka wapako Nyasachwa gi wende;Mano kaka en gima long’o kendo mowinjore ka opake!+
2 Jehova gero Jerusalem kendo;+Ochoko oganda Jo-Israel ma noke.+
3 Ochango jo ma chunygi otur,Kendo oboyo adhondegi.
4 Okwano kar romb sulwe;Oluongogi giduto gi nyingegi.+
5 Ruodhwa duong’ kendo en gi teko mang’eny;+Riekone ng’eny mokalo apima.+
6 Jehova ting’o jo mamuol malo,+To ogoyo joricho piny e lowo.
7 Weruru ne Jehova kugoyone erokamano;Weruru ne Nyasachwa kugoyone nyatiti,
8 En e moumo polo gi boche,Kendo okelo koth e piny.+Bende, omiyo lum twi+ e wi gode.
9 Omiyo le chiemo,+Opidho agege ka giywakne.+
10 Morne ok ni kuom teko farese,+Kata kuom tiende dhano ma roteke.+
11 Jehova mor gi jo ma oluore,+Jo ma oketo genogi kuom herane mosiko.+
12 A Jerusalem, mi Jehova duong’.
Yaye Sayun, pak Nyasachi.
13 Otego sirni manie dho rangeyeni,Oguedho nyithindi.
14 Okelo kuwe e pinyi;+Omiyi ngano maber moromi.+
15 Ooro chikne e piny;Wachne chopo piyo ka diemo wang’.
16 Ooro pe marachar ka yie rombe;+Okeyo ong’ueng’o mana ka buch kendo.+
17 Odiro pe e piny ka ng’injo mag makate.+
En ng’a ma nyalo chung’ e koyono?+
18 Ooro wachne kendo gileny nono.
Otugo yembe+ mi pi mol.
19 Osenyiso Jakobo wachne,Osenyiso Israel chikene gi buchene.+
20 Pok otimo ne oganda moro amora kamano;+Onge gima ging’eyo e wi buchene.
Pakuru Jah!*+
Weche Moler Piny
^ Kata, “Haleluyah!” “Yah” kata “Jah” en nying Jehova e yo machuok.
^ Kata, “Haleluyah!” “Yah” kata “Jah” en nying Jehova e yo machuok.
