Zaburi 108:1-13
Wer. Zaburi mar Daudi.
108 A Nyasaye, chunya otegno.
Anawerni kendo analosni wer gi chunya duto.+
2 Chiew, A in gir thum migwelo; A nyatiti, in bende chiew.+
Abiro chiewo kogwen.
3 A Jehova, abiro paki e kind ji,Abiro werni e dier ogendni.
4 Nimar herani mosiko duong’ kendo ochopo nyaka e polo,+Kendo adierani chopo nyaka e kor polo.
5 Yaye Nyasaye, nyis tekoni gie kor polo;Mad duong’ni obed e wi piny duto.+
6 Reswa gi lweti ma korachwich kendo winj lamona,Mondo jo ma ihero owuog e chandruok.+
7 Nyasaye osewuoyo e lerne:*
“Abiro locho, kendo abiro pogo Shekem+ ne joga,Kendo abiro pimonegi Hoho mar Sukoth.+
8 Gilead+ gi Manase gin maga,Efraim en oguta;+To Juda en ludha mar loch.+
9 Piny Moab en besen mara mar lwok.+
To e piny Edom e ma abiro boloe wuochena.+
Piny Filistia e ma abiro kokie ka aselocho.”+
10 A Nyasaye, ng’ano ma biro tera e dala mochiel motegno?
En ng’ano ma notelna ka tera Edom?+
11 Donge en mana in misewitowani?
Yaye Nyasachwa, donge tinde ok idhi kodwa e lweny?+
12 Konywa e chandruokwa,+Nimar kony ma dhano chiwo en kayiem nono.+
13 Nyasaye biro miyowa teko,+Kendo obiro nyono wasikwa.+
Weche Moler Piny
^ Kata nyalo bedo, “osewuoyo e kar dakne maler.”
