Ngeche 3:1-35
3 Wuoda, kik wiyi wil kod puonjna,*Mad chunyi rit chikena,
2 Nikech ginimedni ndalo mang’enyGi higni mang’eny kod kuwe.+
3 Kik iwe hera kod adiera oweyi.+
Tuegi e ng’uti;Ndikgi e kite mopamore manie chunyi;+
4 Kamano iniyud ng’wono kod nying maberE nyim Nyasaye kod dhano.+
5 Gen Jehova+ gi chunyi duto,Kendo kik igen kuom riekoni iwuon.+
6 Gen kuome e yoreni duto,+Eka enomi yoreni oriere tir.+
7 Kik ibed mariek e wang’i iwuon.+
Luor Jehova kendo a e richo.
8 Mano nobedni ka yath ma chango dendiKendo ma miyo chokeni teko.
9 Mi Jehova duong’ gi mwanduni mabeyo,+Kendo gi chambi mabeyo moloyo* mikayo e puothi;+
10 Eka uteni mag keno nopong’ thich,+Kendo kuonde mibiyoe divai nopong’ gi divai manyien.
11 Wuoda kik itamri kum mar Jehova,+Kendo kik ing’ur sa mokweri,+
12 Nimar Jehova kwero jogo mohero,+Mana kaka wuoro timo ne wuode mohero.+
13 Ng’at mamor en ng’at ma yudo rieko+Kendo en ng’at ma ong’eyo pogo weche kare;
14 Nimar yude ber moloyo yudo fedha,Kendo bedo kode nigi ohala moloyo bedo gi dhahabu.+
15 Ober moloyo kidi ma nyinge korol;Kuom gik moko duto ma igombo, onge ma inyalo pim kode.
16 Dak aming’a nie lwete korachwich;Mwandu kod duong’ nie lwete koracham.
17 Yorege kelo mor,Kendo yorege duto nigi kuwe.+
18 En yadh ngima ne jogo momake,Kendo jogo momake motegno ibiro luong ni jo mamor.+
19 Rieko e ma Jehova nochueyogo piny.+
Lony e ma ne oketogo polo kare.+
20 Kuom ng’eyo mare nembe matut ne obaroreKendo tho ne oton koa e boche polo.+
21 Wuoda, kik iwe gilalni.*
Rit rieko makare kod nyaloni mar paro;
22 Ginimiyi ngimaKendo ginibedni ka tigo maber e ng’uti;
23 Eka iniwuoth e yori gi kuwe,Kendo ok inichwany tiendi.+
24 Ka inindo, ok inibed maluor;+Ibiro nindo, kendo nindoni nobed mayom.+
25 Ok ibi luoro masira moro mobiro apoya+Kata kethruok mabiro ne jo maricho.+
26 Nimar Jehova e ma nomi ibed jachir;+Enorit tiendi mondo kik idonj e obadho.+
27 Kik ituon ji gik mabeyo mowinjore giyudi+Ka po ni in gi nyalo mar konyogi.+
28 Kik iwach ne nyawadu niya: “Dhi adhiya; inyalo duogo bang’e! Abiro miyigo kiny,”
To in gi gino sano.
29 Kik ichan timo gima rach ne nyawadu+Ka udak kode gi kuwe.
30 Kik idhaw gi nyawadu kayiem nono+Ka onge gima rach motimoni.+
31 Kik nyiego maki gi ng’at mohero mahundu+Kendo kik iluw yorene,
32 Nimar chuny Jehova osin gi ng’at ma wuondore,+To obedo osiep ng’at ma yorene tir.+
33 Kuong’ mar Jehova nie od ng’at ma timbene richo,+To oguedho od ng’at makare.+
34 Nimar onyiero jo ma ohero ajara,+To onyiso jo mamuol ng’wono.+
35 Jo mariek noyud duong’ kaka pokgi,To jo mofuwo pako gik ma kelo wich-kuot.+
Weche Moler Piny
^ Kata, “chikna.”
^ Kata, “nyak mokwongo.”
^ Nenore ni iwuoyo kuom kido mabeyo ma Nyasaye nigo mosewuoye e kwan matindo mokalo.
