Kwan 24:1-25
24 Ka ne Balaam oneno ni Jehova dwaro guedho Jo-Israel, ne ok otemo kendo manyo yore mag kuong’o Jo-Israel.+ Kar mano, ne olokore mochomo thim.
2 Ka ne Balaam oting’o wang’e ma oneno ka Jo-Israel ogoyo kambi kaluwore gi dhoutgi,+ roho mar Nyasaye ne obiro kuome.+
3 Ne ogoyo ngero ka owacho niya:+
“Magi e weche mag Balaam wuod Beor,Gin weche mag ng’at ma wengene oyawore,
4 Weche mag ng’at ma winjo wach Nyasaye,En ng’at ma ne okulore ka wang’e oyepo,+Mi oneno fweny mar Ng’at Manyalo Duto:
5 A Jakobo, mano kaka hembeni beyo,A Israel, kar dakni long’o!+
6 Hembeni olandore mabor mana kaka aoche modhi mabor,+Gichalo gi puothe manie bath aora,
Gichalo yiend aloe ma Jehova opidho,Kendo gichalo yiend sida manie bath pi.
7 Pi bubni koa e dapigene,Kendo opidho kothe e bath nembe madongo.+
Ruodhe+ nobed maduong’ moloyo Agag,+Kendo pinyruodhe noting’re malo.+
8 Nyasaye gole e piny Misri;Ochalo ne Israel tunge jowi.
Obiro tieko ogendni ma sando Israel,+Israel biro rado chokegi, kendo obiro tiekogi kod asere.
9 Israel chalo sibuor ma onindo piny,Ng’ano ma dihedhre chiewe?
Jo ma guedhi yudo gueth,To jo ma kuong’i bedo jo ma okuong’.”+
10 Ka ne Balak owinjo wechego, nokecho ahinya gi Balaam. Omiyo, ne opamo lwetene gi mirima kowacho ne Balaam niya: “Ne aluongi mondo ikuong’na wasika,+ to kar timo kamano iseguedhogi nyadidekgi te.
11 Dog thuru sani sani. Ne adwaro miyi duong’ ma tamre gi nono,+ to koro ne! Jehova osemoni yudo duong’no.
12 To Balaam nodwoko Balak niya: “Donge ne anyiso joote ma ne ioro ira niya:
13 “Kata bed ni Balak dwaro miya ode mopong’ gi fedha kod dhahabu, ok anyal timo gimoro amora mopogore gi ma Jehova ochika ni atim, bed ni en gima ber kata gima rach. Abiro mana wacho gima Jehova onyisa.’+
14 Koro adok ir jowa. To bi anyisi gik ma Jo-Israel biro timo ne jou e kinde mabiro.”
15 Kamano Balaam nogoyo ngero kama:+
“Ma e wach Balaam wuod Beor,Gin weche mag ng’at ma wengene oyawore,+
16 Weche mag ng’at ma winjo wach Nyasaye,Kendo ng’at mong’eyo weche mag Ng’at Mamalo Chutho,Ma ne okulore ka wang’e oyepoMi oneno fweny mar Ng’at Manyalo Duto:
17 Abiro nene, to ok sani;Ee, abiro nene, to ok machiegnini.
Sulwe+ nobi koa kuom joka Jakobo,Kendo ludh duong’+ nobi koa kuom Jo-Israel.+Obiro baro pat wang’ Moab+Kendo obiro baro wi jo ma rori.
18 Piny Edom nobed mwandune,+Ee, obiro kawo Seir+ ma en mwandu wasike,+Jo-Israel to nonyis chir.
19 Ng’ato noloch kowuok kuom joka Jakobo,+Kendo obiro tieko ng’ato ang’ata motony e dalano.”
20 Ka ne Balaam oneno Jo-Amalek, ne odhi nyime hulo kama:
“Amalek e ma ne okwongo ne ogendni,+Kata kamano, gikone obiro rumo chuth.+
21 Ka ne orango Jo-Keni,+ ne odhi nyime wacho niya:
“Udak ka ma ok nyal monjue, kendo udak e lwendni.
22 Kata kamano, ng’ato nobi mi owang’ Jo-Keni.*
Uparo ni unyalo dak nyaka karang’o ka pok Asuria oterou e tuech?”
23 Ne odhi nyime goyo ngero niya:
“Yaye, lit manade! Ng’ano ma biro tony ka Nyasaye otimo wechegi?
24 Meli biro wuok e dho wath mar Kitim,+Gibiro monjo Asuria,+Kendo gibiro monjo Eber.
Kata kamano, en bende ibiro kethe chuth.”
25 Bang’ mano, Balaam+ ne owuok modok thurgi. Balak bende nodhi yore.
Weche Moler Piny
^ Hibrania, “Kain.”
