Ne Jo-Rumi 13:1-14
13 Ng’ato ka ng’ato mondo obolre ne joloch,+ nimar onge loch ma nitie mak mana moa kuom Nyasaye;+ Nyasaye e moketo loje ma nitieregi.+
2 Omiyo, ng’at ma tamore winjo joloch, okwedo chenro mar Nyasaye; jo ma kwedo chenrono biro yudo kum margi.
3 Nimar jo ma lochogo ok kel luoro ne jo ma timo maber, to mana ne jo ma timo marach.+ Be duher dak ma onge luoro nikech joloch? Kare dhiuru nyime timo maber,+ kendo jolochgo biro pwoyou;
4 nimar gin jotich Nyasaye ma tiyonu mondo uyud ber. To ka utimo gik maricho, beduru maluor nikech ok giting’ ligangla kayiem nono. Gin jotich Nyasaye kendo jochul kuor ma otiyogo e nyiso mirimbe kuom jo ma timo gik maricho.
5 Kuom mano, dwarore ahinya ni ubolrunegi, ok mana nikech mirimb Nyasaye, to bende nikech udwaro bedo gi chuny maler.+
6 Mano bende e momiyo uchulo osuru; nimar gin jotich Nyasaye kendo gitiyo ne oganda kinde duto.
7 Miuru ji duto gima giwinjore yudo: ng’at ma dwaro osuru, umiye osuru;+ ng’at ma dwaro chudo moro, umiye chudo; ng’at ma dwaro luor, umiye luor;+ to ng’at ma dwaro duong’, umiye duong’.+
8 Kik ubed gi gop ng’ato, mak mana gop hera e kindu;+ nimar ng’at mohero dhano wadgi, osetimo gima chik dwaro.+
9 Nikech chike ma wacho ni, “Kik ichodi,+ kik ineki,+ kik ikwel,+ kik igomb gir ng’ato,”+ kod chike mamoko ma nitie, giduto inyalo riwgi e chik achielni niya: “Nyaka iher wadu kaka iherori iwuon.”+
10 Ng’at ma nigi hera ok nyal timo gima rach ne wadgi;+ omiyo hera e ma chopo weche duto ma chik dwaro.+
11 Timuru mae nikech ung’eyo kinde ma wantieree, ni sa osechopo monego uchiew ua e nindo,+ nimar warruokwa okayo machiegni ahinya moloyo kinde ma ne wachako bedoe gi yie.
12 Otieno chiegni rumo; piny koro chiegni ru. Omiyo, walonyuru timbe mag mudho oa kuomwa,+ kae to warwakreuru gi gige lweny mag ler.+
13 Wawuothuru e ngima mobidhore+ kaka jo ma wuotho godiechieng’, ka waweyo nyasi mopong’ gi koko kod mer, timbe maricho mag terruok kod tim wang’-teko,*+ kaachiel gi ywaruok kod nyiego.+
14 To rwakreuru gi Ruoth Yesu Kristo,+ kendo kik uchan motelo mar timo gombo mag ringruok.+
Weche Moler Piny
^ E dho Grik en aselgeia. Som Tiend Weche.
