Fweny mar Johana 7:1-17
7 Bang’ mano, ne aneno malaike ang’wen kochung’ e tunge ang’wen mag piny, ka gimako matek yembe ang’wen mag piny mondo kik yamo moro amora okudh kuom piny, kata kuom nam, kata kuom yath moro amora.
2 Eka ne aneno malaika machielo ka wuok yo wuok chieng’ ka en gi kido mar Nyasaye mangima, kendo kidono en miketogo alama kuom ji; kendo ne okok gi dwol maduong’ kowuoyo gi malaike ang’wen ma ne omi teko mar ketho piny kod nam,
3 kowachonegi niya: “Kik uketh piny, kata nam, kata yien, nyaka bang’ ka waseketo alama+ e lela wang’ wasumbni mag Nyasaye.”+
4 Eka ne awinjo kwan mar jo ma ne oket alama kuomgi. Ne gin ji 144,000+ ma ne oketnegi alama mar ranyisi; ne gia e dhoudi duto mag nyithind Israel:+
5 Jo ma oa e dhood Juda ma ne oketnegi alama, ji 12,000;moa e dhood Reuben, ji 12,000;moa e dhood Gad, ji 12,000;
6 moa e dhood Asher, ji 12,000;moa e dhood Naftali, ji 12,000;moa e dhood Manase,+ ji 12,000;
7 moa e dhood Simeon, ji 12,000;moa e dhood Lawi, ji 12,000;moa e dhood Isakar, ji 12,000;
8 moa e dhood Zebulun, ji 12,000;moa e dhood Josef, ji 12,000;jo ma oa e dhood Benjamin ma ne oketnegi alama, ji 12,000.
9 Bang’ mago, ne arango mi ne aneno oganda moro mang’ongo ma onge ng’at ma ne nyalo kwano. Ne gin jo moa e ogendni duto, gi dhoudi duto, gi pinje duto, kendo gi dhok duto,+ to ne gichung’ e nyim kom-loch kendo e nyim Nyarombo ka girwakore gi kandho ma rochere;+ bende, ne gin gi bede yiend othidhe e lwetegi.+
10 To ne gisiko ka gikok gi dwol maduong’ niya: “Warruokwa a kuom Nyasachwa mobet e kom-loch+ kendo kuom Nyarombo.”+
11 Malaike duto ne ochung’ kolworo kom-lojno gi jodongogo+ kod chuech mangima ang’wenka, eka ne gipodho piny auma e nyim kom-lojno mi gilamo Nyasaye
12 ka giwacho niya: “Amin! Mad Nyasachwa oyud pak, gi duong’, gi rieko, gi erokamano, gi luor, gi teko, kod nyalo nyaka chieng’.+ Amin.”
13 Achiel kuom jodongogo ne openja kama: “Jo ma orwakore gi kandho ma rocherego gin jomage,+ to gia kanye?”
14 Eka gikanyono ne adwoke niya: “Ruodha, in e ming’eyo.” Mi nowachona kama: “Jogi e jo ma owuok e masira maduong’+ kendo giselwoko kandhogi gi remb Nyarombo mi gibedo ma rochere.+
15 Mano e momiyo gin e nyim kom-loch mar Nyasaye, kendo gitiyone odiechieng’ gotieno e hekalu mare; kendo Jal mobet e kom-lojno+ biro yaro hemane kuomgi.+
16 Kech ok nochak okagi kendo riyo ok nochak ologi; bende, wang’-chieng’ kata liet mager ok nohinygi,+
17 nikech Nyarombo+ manie dier kom-lojno biro kwayogi,+ kendo obiro tayogi nyaka e sokni mag pi ngima.+ Mi Nyasaye noywe pi wengegi duto.”+
