Ka wayudo nyathi sama walendo, onego wanyise ni dwaher wuoyo gi jonyuolne. Timo kamano nyiso ni wamiyo jonyuolgo luor mowinjore. (Nge 6:20) Ka nyathi onyisowa ni wadonj e ot, onego watamre. Ka jonyuolne onge, wanyalo chano mondo wadog e seche ma gintie.

Kata bed mana ni nyathino en rawera ma bet dit, pod onego wanyise ni dwaher wuoyo gi jonyuolne. Ka jonyuolne onge, onego wapenje ka be jonyuolne omiyega thuolo mar yiero gik ma onyalo somo. Kapo ni en kamano, wanyalo miye buk moro ma wan-go kata nyise kaka onyalo donjo e jw.org.

Sama wadok limo rawera ma norwako wach, onego wapenje ka be jonyuolne nitie mondo wawuogo. Mano biro miyo walernegi gimomiyo wabiro e odgi kendo yudo thuolo mar leronegi puonj mabeyo mowuok e Muma ma nyalo konyo joot. (Za 119:86, 138) Miyo jonyuol luor e yo ma kamano en gima owinjore kendo nyalo miyo wayud thuolo mar lando wach maber ne joodno duto.—1Pe 2:12.