NGIMAWA KAKA JOKRISTO
Be Inyalo Lero Yieni?
Ka ng’ato openji gimomiyo iyie ni gik moko nochue, inyalo dwoke nade? Mondo idwok gi chir, nyaka itim gik moko ariyogi: Mokwongo, in iwuon nyaka ibed gadier ni gik moko nochue. (Rum 12:1, 2) Mar ariyo, nyaka ipar matut kaka inyalo lero ne ng’ato yieni.—Nge 15:28.
NEURU VIDIO MA WIYE WACHO NI LAKTAR MAR CHOKE GI LECHE LERO YIENE KOD NG’AT MA NONO NGIMA LE LERO YIENE MONDO UNE GIMOMIYO JOMOKO OYIE NI GIK MOKO NOCHUE, KAE TO UDWOK PENJO MA LUWOGI:
-
Ang’o momiyo Irène Hof Laurenceau oyie ni gik moko nochue to ok ni ne gisieko kendgi?
-
Ang’o momiyo Yaroslav Dovhanych oyie ni gik moko nochue to ok ni ne gisieko kendgi?
-
Ere kaka inyalo lero ne ng’ato gimomiyo iyie ni gik moko nochue?
-
Gin gik timo nonro mage ma yudore e dhou ma riwruok mar oganda Jehova ochiwo, ma nyalo konyi kendo konyo jomamoko bedo gadier ni Nyasaye e ma nochueyo gik moko?
