KARE MAR 3
Ngima ne Chalo Nade e Paradis?
Jehova nomiyo Adam gi Hawa gik mang’eny mabeyo. Chakruok 1:28
Jehova nochweyo Hawa, dhako mokwongo, ma ochiwe mondo obed chi Adam.—Chakruok 2:21, 22.
Jehova nochweyogi gi paro koda ringre makare chuth maok orem e yo moro amora.
Dalagi ma ne en Paradis ne en puodho mar Eden—kama jaber ma ne nigi aora kod yien mag olemo kaachiel gi le.
Jehova ne wuoyo kodgi; kendo ne opuonjogi. Ka dine giwinje, dine gidak e Paradis e piny nyaka chieng’.
Nyasaye nokwerogi ni kik gicham olemb yath moro achiel. Chakruok 2:16, 17
Achiel kuom malaike nong’anjo ne Nyasaye. Malaika marachno en Satan Jachien.
Jehova nosiemo ne Adam kod Hawa yath achiel mar olemo e puodhono, ma onyisogi ni ka gichamo olemb yadhno, to ne gibiro tho.
Satan ok ne dwar ni Adam kod Hawa owinj chik Jehova. Omiyo ne otiyo gi thuol mondo owach ne Hawa ni ka ochamo olemo ma ne wuok e yadhno, ne ok obi tho, to ne odhi bedo kaka Nyasaye. Kuom adier, Satan nowacho miriambo.—Chakruok 3:1-5.
Samoro Inyalo Hero Magi Bende
ESSENTIAL BIBLE TEACHINGS
Ang’o Momiyo Nyasaye ne Ochueyo Piny?
Piny opong’ gi gik mabeyo. Ok okete mabor ahinya kata machiegni ahinya gi chieng’, oleng’ore e yo mowinjore, kendo owinyore kolworo chieng’ e spid makare. Ang’o momiyo Nyasaye notimo kinda ahinya e loso piny?
