SULA MAR 04
Nyasaye En Ng’a?
Kuom higni mang’eny, dhano osebedo ka lamo nyiseche mopogore opogore. Kata kamano, Muma wacho ni nitie Nyasaye achiel “maduong’ moloyo nyiseche duto.” (2 Weche mag Ndalo 2:5) Nyasayeno en mane? To ang’o momiyo oduong’ moloyo nyiseche mamoko duto ma dhano lamo? E sulani, wadwa puonjore gima Nyasaye dwaro ni ing’e kuome.
1. Nyasaye nyinge ng’a, to ere kaka inyalo bedo gadier ni odwaro ni ing’e nyingeno?
Nyasaye nyisowa nyinge e Muma. Owacho kama: “An Jehova. Mano e nyinga.” (Som Isaya 42:5, 8.) “Jehova” en nying ma kolok e dho Hibrania to tiende en “Omiyo Gima Odwaro Timore.” Jehova dwaro ni wang’e nyinge. (Wuok 3:15) Ang’o momiyo wanyalo bedo gadier gi wachno? Nying Nyasaye yudore e Muma mokalo nyadi 7,000! a Jehova en nying “Nyasaye madier e polo malo nyaka e piny mwalo.”—Rapar mar Chik 4:39.
2. Ang’o ma Muma nyisowa e wi Jehova?
Muma nyisowa ni kuom nyiseche duto ma dhano lamo, Jehova e Nyasaye madier. Ang’o momiyo? Nitie gik mang’eny momiyo wawacho kamano. Jehova e wuon loch duto kendo en kende e “Ng’at Mamalo Chutho e wi piny mangima.” (Som Zaburi 83:18.) En Nyasaye “Manyalo Duto,” tiende ni, en gi teko mar timo gimoro amora modwaro. Ne ‘ochueyo gik moko duto’ manie piny gi polo. (Fweny 4:8, 11) Jehova kende e ma osebetie nyaka nene kendo obiro betie nyaka chieng’.—Zaburi 90:2.
TIM NONRO
Non ane pogruok mantie e kind nyinge Nyasaye mag telo kod nyinge ma Jehova. Kae to inon kaka Nyasaye nonyisowa nyingno kod gimomiyo notimo kamano.
3. Nyasaye nigi nying achiel, kata kamano, nyinge mag telo kata mipakego to ng’eny
Mondo ine pogruok mantie e kind nying ng’ato kod nyinge mag telo, tug VIDIO, kae to uwuo e wi penjo ma luwoni:
-
Nitie pogruok mane e kind nying ng’ato kod nying mar telo kaka “Ruoth”?
Muma nyisowa ni ji lamo nyiseche kod ruodhi mang’eny. Som Zaburi 136:1-3, kae to uwuo e wi penjo ma luwoni:
-
“Nyasach nyiseche” kod “Ruodh ruodhi” en ng’a?
4. Jehova dwaro ni ing’e nyinge kendo iti gi nyingno
En ang’o ma nyiso ni Jehova dwaro ni ing’e nyinge? Tug VIDIO, kae to uwuo e wi penjo ma luwogi:
-
Be iparo ni Nyasaye dwaro ni ji ong’e nyinge? To ang’o momiyo iwacho kamano?
Jehova dwaro ni ji oti gi nyinge. Som Jo-Rumi 10:13, kae to uwuo e wi penjo ma luwogi:
-
Ang’o momiyo dwarore ni wati gi nying Jehova?
-
Iwinjoga nade sama ng’ato oparo nyingi kendo oluongi gi nyingino?
-
Iparo ni Jehova winjoga nade sama itiyo gi nyinge?
5. Jehova dwaro ni ibed osiepne
Dhako moro miluongo ni Soten ma wuok e piny Cambodia nowacho ni ng’eyo nying Nyasaye nomiyo obedo mamor ahinya. Tug VIDIO, kae to uwuo e wi penjo ma luwoni:
-
Soten nowinjo nade bang’ ng’eyo nying Nyasaye?
Ka pok ibedo osiep ng’ato, nyaka ikwong ing’e nyinge. Som Jakobo 4:8a, kae to uwuo e wi penjo ma luwogi:
-
Jehova dwaro ni itim ang’o?
-
Ere kaka ng’eyo nying Nyasaye kendo tiyo gi nyingno nyalo konyi mondo ibed osiepne?
PARO MA JOMOKO NIGO: “Nitie mana Nyasaye achiel, omiyo, ok ochuno ni iluonge gi nyinge.”
-
Be iyie ni Jehova en nying Nyasaye?
-
Ere kaka inyalo lero ne ng’ato ni Nyasaye dwaro ni wati gi nyinge?
PUONJ MADUONG’
Jehova e nying Nyasaye madier. Odwaro ni wang’e nyingno kendo wati kode mondo wabed osiepene.
Ang’o ma ipuonjori?
-
Ere kaka Jehova opogore gi nyiseche mamoko duto ma dhano lamo?
-
Ang’o momiyo onego wati gi nying Nyasaye?
-
Ang’o ma nyiso ni Jehova dwaro ni ibed osiepne?
MED TIMO NONRO
Ne ane gik moko abich ma nyiso ni Nyasaye nitie.
Non ane gimomiyo wanyalo wacho ni Nyasaye osebetie kinde duto.
“Ng’ano ma Nochueyo Nyasaye?” (Ohinga mar Jarito, Agost 1, 2014)
Ng’e gimomiyo onego wati gi nying Nyasaye kata obedo ni ok wang’eyo kaka niluongo nyingno chon.
Be ochuno ni waluong Nyasaye gi nyinge? Ne ane gimomiyo wanyalo wacho ni en mana gi nying achiel kende.
a Mondo iyud weche momedore e wi nying Nyasaye kod gimomiyo nyingno onge e loko moko mag Muma, som Apendiks A4 e Muma Maler—Loko mar Piny Manyien.
Samoro Inyalo Hero Magi Bende
PENJO MA JI JOPENJO
Ere Kaka Joneno mag Jehova Puonjoga Ji Muma?
E puonjruok Muma ma Joneno mag Jehova tayoga, inyalo tiyo gi Muma moro amora mihero. Bed thuolo gwelo joodu duto kata osiepeni e puonjruok.
