KARE MAR 3
Chakre Golgi Misri Nyaka e Kinde Ruodhgi Mokwongo
Musa ne otelo ni Jo-Israel ka gia e ngima matek e piny Misri nyaka e Got Sinai, kama Nyasaye ne omiyogie chikene. Bang’e, Musa ne ooro chwo apar gariyo mondo odhi onon ane piny Kanaan. Kata kamano, 10 kuomgi ne oduogo gi wach marach. Ne gimiyo ji ogombo dok Misri. Nikech ne gionge gi yie, Nyasaye ne omiyo Jo-Israel kum mar dak e thim kuom higini 40.
Gikone, Joshua ne oyier mondo otel ne Jo-Israel ka gidonjo Kanaan. Jehova ne otimo honni mondo okonygi kawo pinyno. Ne omiyo Aora Jordan ochung’, ohinga mag Jeriko opodho, kendo mondo chieng’ ochung’ kuom odiechieng’ mangima. Bang’ higini auchiel, ne oma Jo-Kanaan pinyno.
Jong’ad bura ne otelo ni Jo-Israel kuom higini 356, kendo Joshua ema ne obedo jang’ad bura mokwongo. Wapuonjore kuom ng’enygi kaka Barak, Gideon, Jeftha, Samson kod Samuel. Bende wapuonjore e wi mine kaka Rahab, Debora, Jael, Ruth, Naomi koda Delila. Kare mar ADEK duto, kawo higini 396.
MA YUDORE KAE
Samoro Inyalo Hero Magi Bende
PUONJ MAG MUMA
Gik ma Inyalo Tieggo Nyithindo
Yud gik minyalo tiegogo nyithindi mondo gipuonjre chike manie Muma ma nyalo tayogi.
