Yopa 37:1-24
37 “Ngocho muchima wami unalutu,Nakulinyika muchihela chawo.
2 Ivwililenu kanawa chungumo chalizu lyenyi,Nakulilima chakufuma mukanwa kenyi.
3 Eji kuchitumanga kwahita melu kwosena,Nakutuma nawa miveso+ yenyi kusongosongo yamavu.
4 Kufumaho kweji kwivwakananga chivumo chachinene,+Eji kulilimanga nachivumo changolo,Keshi kujikila miveso omu nalivwakana lizu lyenyiko.
5 Lizu lyaKalunga lyeji kulilimanga mujila yakukomwesa,+Eji kulinganga vyuma vyangolo vize natuhona etu kutachikiza.+
6 Mwomwo eji kwambanga mbundu ngwenyi, ‘Noka hamavu,’+Navula nawa ngwenyi, ‘Noka chikuma.’+
7 Kalunga eji kwimikanga milimo yavatu vosena,*Mangana vatu vatachikize milimo yenyi.
8 Tunyama vamuchipapa veji kuyanga kuusavalo wavo,Kaha veji kutwamanga lika mumauku avo.
9 Peho yanyamanganda yeji kuhuhwanga kufuma kukapete kayo,+Kaha chishika cheji kwizanga napeho yakunote.+
10 Meya akulikonda eji kulitunganga nakuhwima chaKalunga,+Kaha meya amavulu eji kulikondanga.+
11 Kalunga eji kulemuwisanga mavwi nameya,Eji kumwanganga miveso+ mumavwi,
12 Kaha mavwi eji kunyengumuka nakuya kweshokwo nasake,Eji kutesangamo vyuma nawalweze+ kulinga hamavu.
13 Eji kuwatumanga atesemo+ mulimo wawo, numba upwa wakuzangamisa vatu, chipwe wakuwahisa mavu,Chipwe kuwatuma mangana asolole zangi yenyi yakwilila.+
14 Ivwilila ove Yopa,Lihulike ushinganyeke kanawa hamilimo yakukomwesa yaKalunga.+
15 Uno watachikiza omu Kalunga eji kupingululanga mavwi,Nomu eji kulingisanga miveso yivese mumavwi enyi nyi?
16 Kutala watachikiza ovyo vyalingisa mavwi atengenye helu nyi?+Eyi himilimo yakukomwesa yaYou akwechi chinyingi chakukupuka.+
17 Mwomwo ika uvwalo wove weji kuzuminangaOmu hamavu heji kuundanga napeho yakusulo?+
18 Uno nauhasa kutanduula* lilu naikiye hamwe+Nakulikakamisa nge muze chakakama chivanjilo chachikungo numba?
19 Tulweze ovyo natuhanjika kuli ikiye.Etu katweshi kuhasa kukumbululako mwomwo katwatachikijileko.
20 Uno vatela kumulweza ngwavo nguli nakusaka kuhanjika kuli ikiye nyi?Uno kuli umwe mwahanjika vyuma vimwe vize vatela kumulweza tahi?+
21 Vakiko kaveshi kuhasa kumona musanako,Numba tuhu unatamuka muutangatanga,Kuumona kuvanga peho yinahuhu nakupekumuna mavwi.
22 Luvaji lwalunene lweji kufuminyinanga kunote,Kaha ukelenga waKalunga+ wapwa wakukomwesa.
23 Katweshi kuhasa kutachikiza ou Wangolo Josenako+Ikiye atwama nangolo jajinene,+Oloze keshi kuhengesa chiyulo+ chipwe kupihisa vilinga vyenyi vyakwolokako.+
24 Ngocho vatu vatela kumwivwa woma.+Mwomwo keshi kwivwila uselewa vaze valimona kupwa vamanganako.”*+
Kwinyikila Chamwishi
^ Hepe., “eji kuhakanga katachikijilo hamavoko avatu vosena.”
^ Chipwe “kufula.”
^ Hepe., “vamangana mumichimako.”
