Yopa 22:1-30
22 Elifwaze+ wakuTemane ambile ngwenyi:
2 “Uno Kalunga akwechi mulimo namutu numba?Kutala mutu wamangana nahase kunganyalisa Kalunga numba?+
3 Ou Wangolo Josena eji kwivwilanga kuwaha vilinga vyove vyakwoloka numba?Kutala eji kunganyalanga vimwe hakulonga chove numba?+
4 Uno nahase kukuzangamisa,Nakukutwala kuzango yakusopela hakumwivwa chove woma numba?
5 Ali nakukuzangamisa mwomwo vilinga vyove vyakuhuka vinavulu,Kaha kuhenga chove nawa chinasweze.+
6 Weji kutambulanga vandumbwove vijikilo okunyi mulonga wauchi,Weji kuzulanga vatu uvwalo wavo nakuvaseza uselesele.+
7 Kaweshi kuhana meya akunwa kuli vaze vanazeyeko,Weji kuminanga vyakulya vaze vanafu zala.+
8 Lifuchi linapu lyavatu vangolo,+Kaha vaze vevwila uselewa vakiko vatwamamo.
9 Oloze wasuwilenga vatuliwe mavokovoko,Wakumishilenga ngolo javana vakuzeneka masevo.*
10 Shikaho miheto* yinakujingilikila,+Nawoma nawa unakulendumukila.
11 Shikaho kunelavila wi mangana uhone kumona,Nameya nawa anakufwikila.
12 Uno Kalunga katwama kwilu chikumako numba?Tala omu vatanganyika vajindama helu!
13 Unahanjika ngwove: ‘Uno Kalunga atachikiza ika?Kutala nahase kuyula vili kusali yamilima numba?
14 Mavwi anamujikinyina, ngocho keshi kuhasa kumonako,Eji kutambwojokanga kwahita lilu kwosena.’*
15 Uno mutambukanga mujila yakushikuluYize vanatambukanga vaka-kuhuka,
16 Vaze vanongele* shimbu kanda myaka yavo yitengamo,Vaze vakwechi vihela vyavo vyalyenyekele kwijiva nge vinalyenyeka nameya alivaji* nyi?+
17 Vahanjikile kuli Kalunga wamuchano ngwavo: ‘Tweche!’‘Ou Wangolo Josena mwatulinga ikaze?’
18 Olozenyi ikiye azalishile jizuvo javo navyuma vyamwaza.(Vishinganyeka kana vyavipi, kaha vyalihandununa navyevi vyami.)
19 Vaka-kwoloka navakamona kunonga chavaka-kuhuka, kaha navakawahilila,Vaze vazeneka mulonga navakatoleka vaka-kuhuka ngwavo:
20 ‘Vaka-kole jetu vanavanongesa.Kaha kakahya nakanongesa vyeshovyo vinasale kuli vakiko.’
21 Mutachikize Kalunga mangana upwenga uwakuunda.Kaha vyuma vyamwaza navikeza kuli ove.
22 Itavila jishimbi jakufuma mukanwa kenyi,Lamanga mazu enyi mumuchima wove.+
23 Kachi nge mukinduluka kuli ou Wangolo Josena, kaha mukafukila cheka.+Kachi nge naufumisa vilinga vyakuhenga mumbalaka yove,
24 Kachi nge naumbila ulu wove mulukunguNakumbila nawa ulu wakuOfwile+ muvinema* vyamalolwa,
25 Kaha ou Wangolo Josena mwapwanga ulu wove,Mwapwanga nawa palata yove yandando yayinene.
26 Ngocho mwivwilanga kuwaha ou Wangolo Josena,Kaha nawandulanga meso ove kuli Kalunga chakuzeneka kwivwa sonyi.
27 Naumulembelela, kaha mwakwivwilila.Kaha jishiko jove naujitesamo.
28 Vyeshovyo unajinyi kulinga navikafukila.Kaha musana naukamunyikanga mujila yove.
29 Navakakwinyisa kachi nge muhanjika namanya.Oloze muka-kulinyisa navakamuyovola.
30 Mwakapululula vaze vazeneka mulonga,Ngocho, nge mavoko ove anatomo, kaha mwakakuyovola.”
Kwinyikila Chamwishi
^ Chipwe “ngolo javanginga.”
^ Hepe., “miheto yatujila.”
^ Chipwe “kutambwojokanga halitengulula lyalilu.”
^ Chipwe “Vaze vakwechi kuyoya chavo vatetele.”
^ Hepe., “akalwiji.”
^ Chipwe “muvana vatulwiji.”
