Yopa 14:1-22
14 “Mutu wakusemuka kuli pwevoEji kuyoyanga makumbi amandende,+ akuzala navihuli.*+
2 Mwasoka nge lutemo, kaha kutwala muze himwazuza,*+Mwahita nge muvwimbimbi, kaha himwalelangana.+
3 Unajiki meso ove hali ikiyeKaha hinaulisopesa nenyi.*+
4 Mutu mukaze wakuzeneka kutoma mwahasa kusema mutu utoma?+Naumwe wauchi.
5 Makumbi enyi anapu amandende,Kuvula chatukweji twenyi chili mumavoko ove.Unamutomena lyehi seteko yize keshi kuhasa kuhambakanako.+
6 Achitale kweka mangana anokeko,Palanga nomu mwakumisa makumbi enyi ngana mwangamba wakukamba.+
7 Mwomwo namutondo ukwechi lutalililo.Nge vanautete, weji kuchivikilanga cheka,Kaha mitango yawo hinayitwalaho lika kukola.
8 Kachi nge miji yawo yinashimbula mumavuKaha chishina chawo nawa chinafwila mumavu,
9 Weji kusokanga cheka numba nameya amandende,Weji kusokolokelanga mitango ngana mwamutondo wauhya.
10 Oloze mutu eji kufwanga, kaha eji kusavalanga kulu.Kachi nge mutu nafu, eji kuyanga kulihi?+
11 Meya eji kumanga mukalungalwiji,Kaha meya eji kukehanga mukalwiji nakuma.
12 Namutu nawa eji kusavalanga, kaha keshi kuhindukako.+Keshi kutonako palanga nomu nawakapwa melu auchiko,Kaha kaveshi kukamuhindula kutuloko.+
13 Nachiwaha nge mungusweka muFuka,*+Nge naungusweka palanga nomu nauhita utenu wove,Nge naungutomena makumbi, nakukangwanuka jino.+
14 Kachi nge mutu nafu, kutala mwakayoya cheka tahi?+Nanguvandaminanga makumbi osena akuyandangila chami,Palanga nomu nalwiza lwola lwami lwakusokoka.+
15 Naukasanyika, kaha nangukakwitava.+Naukafwila milimo yamavoko ove.
16 Oloze oholyapwa uli nakulava munayi jitambo jami josena.Wafwila kaha kutala shili yami.
17 Mulonga wami wakuzomboka jishimbi unaulamina mungonga yove,Kaha kuhenga chami unachilamika nalemba.
18 Nganomu nayishiuka pili nakuchikika,Nomu nalikekuka nawa lilolwa muchihela chalyo,
19 Nganomu meya nawaliwisa malolwa,Nomu nawa meya amutulwiji nawakombola hamavu,Mukiko unanongesa nalutalililo lwamutu.
20 Weji kumushinyinyikanga palanga nomu mwanonga.+Weji kwalumunanga solokeso yenyi nakumwecha ayenga.
21 Vana venyi vanavavumbika, oloze ikiye kutachikiza pimbi.Vanavenyisa, oloze ikiye nakwijiva chiku.+
22 Eji kwivwanga kukola omu achili nakuyoya,Kaha eji kulishonanga omu achili wamutonyi.”
Kwinyikila Chamwishi
^ Chipwe “akuzala naluyanjisa.”
^ Chipwe pamo, “hinavamutetako.”
^ Hepe., “nayami.”
^ Chipwe “muSheyole,” kulumbununa fuka yavatu vosena. Tala Mukana waMazu.
