Isaya 41:1-29
41 “Enu matungu, holenu kulu mungwivwilile.*Vaka-mafuchi vakwate cheka ngolo.Vapandame kwakamwihi, kaha vahanjike.+Twayenu hamwe tusope.
2 Iyaze nakatula mutu kufuma kumututuko?+Iyaze nasanyika ou mutu mukwoloka ezenga kumahinji enyi*Mangana amuhane vaka-mafuchiNakumulingisa afungulule vamyangana?+Ou mutu vanakatula mwavanongesa napoko yenyi yamukwale nakuvalingisa vapwenga nge lukungu,Mwavanongesa nauta wenyi wamanana vapwenga nge visachi vize vanapekumuna napeho.
3 Mwavahangasana, mwahita mujijila jize kanda atambukengaho lyehi,Kaha naumwe wauchi mwamuhonesa.
4 Iyaze nalingi chuma kanechi?Iyaze nasanyikanga visemunwino kufuma kukuputuka?Ami Yehova, Yami Wakulivanga.+Ami ngwapwa mwomumwe nakuli vaze vakukuminyina.”+
5 Vatu vakumatungu vanamono chuma kana, kaha vanevu woma.Vaze vali kujisongosongo jamavu vanaputuka kulichikimina.Vanalikungulwila hamwe, kaha vali nakwiza.
6 Mutu himutu ali nakukafwa sepa lyenyi,Ali nakwamba kuli ndumbwenyi ngwenyi: “Jikiza.”
7 Chitotombwe eji kukolezezanga fuli.+Ou eji kulambisanga namuvetoEji kukolezezanga ou ali nakufula halishiki.Navuluka haze vananungu ngwenyi: “Hanawahe.”Kaha hinavachipapalila najimbambo mangana chizeneke kuholoka.
8 “Oloze ove Isalele, ove unapu ungamba yami,+Ove Yakova, ove ngunasakula,+Ove mwanasepa lyami*+ Apalahama,
9 Ove ngwambachile kufuma kujisongosongo jamavu,+Ove ngwasanyikile kufuma kuvihela vyakwakusuku,Ngwambile kuli ove ngwami, ‘Unapu ungamba yami.+Ngunakusakula, kangwakukanyineko.+
10 Kanda nawivwa womako, mwomwo nguli nayove.+Kanda naulizakaminako, mwomwo nguKalunga kove.+Nangukujikijisa, nangukukafwa,+Nangukukwachilila nalivoko lyami lyachilyo lyakwoloka.’
11 Tala! Vosena vaze navakukwachila matoto navakavevwisa sonyi nakuvenyisa.+Vaze navakuzungisa navakavalingisa kupwa vamokomoko nakuvanongesa.+
12 Naukatondatonda vatu vaze veji kukuzungisanga, oloze kaweshi kukavawanako.Vatu vaze veji kulwanga nayove navakapwa kwijiva nge vyuma vyamokomoko, nge vyuma vize kavyatwamakoko.+
13 Mwomwo ami Yehova Kalunga kove nangukukwachililanga nalivoko lyami lyachilyo,Yami nguli nakukulweza ngwami, ‘Kanda nawivwa womako, nangukukafwa.’+
14 Ove musangunya* Yakova,+ kanda nawivwa womako.Enu vaIsalele, nangumikafwa.” Omu mukiko mwanambe Yehova, Muka-kumisokola,+ Ou Wajila waIsalele.
15 “Tala! Ngunakulingisa kupwa chileyi chakuzungwisa,+Ngunakulingisa kupwa chinoma chachihya chakuzungwisa chikwechi mazo kujisali josena jivali.Naukalyatangila jipili jajinene nakujipuzula.Naukalingisa jipili jajindende kupwa nge muzungu.
16 NaukajipepaKaha peho nayikajipekumuna,Peho yanyamanganda nayikajimwanga.Naukawahilila mwomwo yaYehova,+Naukalisashila muli Ou Wajila waIsalele.”+
17 “Vaka-kukalikiza navaka-kuhutwa vali nakutondatonda meya, oloze auchi.Malimi avo anomu mwomwo yalipwila.+Ami Yehova nanguvakumbulula.+Ami Kalunga kaIsalele kangweshi kuvambilako.+
18 Nangukatuva tulwiji hajipili+Natuselwoke vameya muvinema.+Nangukalingisa pambo kupwa chijiva chameyaNalifuchi lyakuzeneka meya kupwa tuselwoke vameya.+
19 Mulikundu nangukatumbamo mutondo wamushitale,Namukesha, namuluta, namutondo wamupinyi.+Nangukatumbamo nawa mutondo wamunjunyipe,Namuwashi, namushipulese,+
20 Mangana vatu vosena vakamone nakutachikiza,Vakanyingilile nakunangakana,Ngwavo livoko lyaYehova likiko linalingi vyuma kanevi,Ngwavo Ou Wajila waIsalele ikiye navitenge.”+
21 Yehova nambe ngwenyi, “Ambululenu chihande chenu.”Mwangana waYakova nambe ngwenyi, “Hanjikenu unjiho wenu.
22 Hanjikenu unjiho nakutulweza vyuma navikasoloka.Tulwezenu vyuma vyakulivanga,Mangana tushinganyekeho* nakutachikiza vyuma navikafumamo.Twambulilenu vyuma vize vili nakwiza.+
23 Tulwezenu vyuma navikasoloka kulutwe,Mangana tutachikize ngwetu munapu mutulunga.+Lingenuko vyuma vyamwaza chipwe vyavipiMangana omu natuvimona tulikomokele.+
24 Talenu! Munapu muvyuma vize kavyatwamakoko,Milimo yenu yinapu yamokomoko.+Weshowo mwamisakula napu waunyengwe.+
25 Ngunakatula mutu kufuma kunote, kaha mweza,+Mwafuma kumwizakumbi,*+ kaha mwakasanyika halijina lyami.Mwakalyatangila vaka-kuyula* kwijiva nge unonga,+Kwijiva nge muka-kutenga vyuma vyaunonga uze mwalyatangila unonga.
26 Iyaze atulwezele vyuma kana kufuma kukuputuka numba tuvitachikize?Iyaze atulwezele vyuma kana kufuma kushikulu numba twambenga ngwetu, ‘Nahanjika mwakwoloka’?+Naumwe wauchi avivilikile.Naumwe wauchi avyambulwile.Naumwe wauchi evwile vyuma kana kufuma kuli enu.”+
27 Ami yami ngwapwile wakulivanga kulweza Zeyone ngwami: “Tala! Evi vikiko navikasoloka!”+Ngwalwezele Yelusalema ngwami nangukamutumina muka-kuvilika mujimbu wamwaza.+
28 Ngwatalilenga, oloze kangwamwene numba umweko.Hakachi kavo kahapwile umwe apwile nakulweza vakwavo manganako.Ngwavehwilenga mangana vangukumbulule.
29 Talenu! Vosena vanapu vamokomoko.*Milimo yavo yinapu yamokomoko.Makombelo avo akuzuzulula anapu nge peho kaha, hivyuma vyaufwefwelekete.+
Kwinyikila Chamwishi
^ Chipwe “holenu kulu kumeso ami.”
^ Kulumbununa, ezenga amuzachile.
^ Hepe., “Ove mbuto yasepa lyami.”
^ Kulumbununa, mutu wakuhona kukingiwa, wakukalikiza.
^ Chipwe “tuvihake kumuchima.”
^ Chipwe “kumututuko.”
^ Chipwe “Mwakalyatangila mihato javaka-kuyula.”
^ Chipwe “vanapu nge vyuma vize kavyatwamakoko.”
