Diumvuija dia Tshitupa 3
Mu bidimu bia panyima pa Mvula wa kabutu, Bible udi utela mêna a bantu bakese bavua benzele Yehowa mudimu. Munkatshi muabu mudi Abalahama uvua mumanyike muvuaye mulunda wa Yehowa. Bua tshinyi bavua bamubikila ne: mulunda wa Yehowa? Wewe muikale muledi ambuluisha muabebe bua amone ne: Yehowa udi umutabalela ne mmusue kumuambuluisha. Tudi mua kulomba Yehowa diambuluisha badilekelele anu bu Abalahama ne bantu balume bakuabu ba lulamatu bu mudi Lota ne Yakoba. Tudi ne bua kuikala ne dishindika dia ne: Yehowa neakumbaje bualu buonso budiye ulaya.
MU TSHITUPA ETSHI
DILONGESHA 7
Tshibumba tshia Babela
Bamue bantu bakangata dipangadika dia kuibaka tshimenga ne kuenza tshibumba tshivua ne lusongo lutue mu diulu. Bua tshinyi Nzambi wakenza bua batuadije kuakula miakulu mishilangane?
DILONGESHA 8
Abalahama ne Sala bakatumikila Nzambi
Bua tshinyi Abalahama ne Sala bavua balekele nsombelu uvuabu nende mu tshimenga bua kuyabu kusomba bu bendakanyi mu buloba bua Kanâna?
DILONGESHA 9
Ndekelu wa bionso wakalela muana wa balume!
Mmunyi muvua Nzambi mua kukumbaja tshivuaye mulaye Abalahama? Mmuana kayi wa Abalahama uvua mulayi mua kukumbanyina: Izaka anyi Yishemaele?
DILONGESHA 10
Vuluka mukaji wa Lota
Nzambi wakalokesha kapia ne sufre mu Sodoma ne Amola. Bua tshinyi uvua mubutule bimenga ebi? Bua tshinyi tudi ne bua kuvuluka mukaji wa Lota?
DILONGESHA 11
Badi bateta ditabuja dia Abalahama
Nzambi wakambila Abalahama ne: ‘Angata koku muanebe mulela umuepele umufile bu mulambu pa mukuna mu buloba bua Moliya.’ Mmunyi muvua Abalahama mua kutantamena diteta dia ditabuja diende edi?
DILONGESHA 12
Yakoba udi upeta bumpianyi
Izaka ne Lebeka bakalela bana ba balume ba mapasa: Esau ne Yakoba. Bu muvuabu balele Esau kumpala, yeye ke uvua mu mulongo wa bantu bavua bapeta bumpianyi bua pa buabu. Bua tshinyi wakabushintakaja ku dilongo dia nkunde?
DILONGESHA 13
Yakoba ne Esau badi balengejangana
Mmunyi muvua Yakoba mupete dibenesha kudi muanjelu? Mmunyi muvuaye mulengejangane ne Esau?
