Lumingu lua dia 27/5–2/6
MISAMBU 42-44
Musambu wa 86 ne disambila | Mêyi a mbangilu (Mun. 1)
1. Tumikila malu atudi tulonga
(Min. 10)
Kuyishi mpunga iudi nayi ya kutendelela Yehowa pamue ne bakuabu, umutendelela nabu pamue koku mushindu (Mis 42:4, 5; w06 1/6 9 §4)
Sambila kumpala kua kulonga Bible (Mis 42:8; w12 15/1 15 §2)
Lekela Dîyi dia Nzambi dikulombole mu malu onso audi wenza (Mis 43:3)
Malongesha a Nzambi adi atupetesha bukole bua kunanukila mu ntatu ne kutungunuka ne kumuenzela mudimu.—1Pt 5:10. w16.09 6 §11-12.
2. Bubanji bua mu Dîyi dia Nzambi
(Min. 10)
-
Mis 44:19: Tshiambilu tshia ne: “muaba utu mibuabua isombela” tshidi pamuapa tshiumvuija tshinyi? (it-1-F 417)
-
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Mis 44:1-26 (th dilonga dia 11)
4. Mua kubanga kuyukila ne muntu
(Min. 4) KU NZUBU NE KU NZUBU. Lomba muntu bua nulonge nende Bible. (lmd dilongesha 5 kamutu ka bualu 5)
5. Dipinganyina muntu
(Min. 5) KU NZUBU NE KU NZUBU. Bikila muntu bua alue kuteleja muyuki wa patoke. Nuakule malu adi mu filme wa Tshitu tshienzeka ku Nzubu wa Bukalenge ntshinyi?. (lmd dilongesha dia 7 kamutu ka bualu 5)
6. Muyuki
(Min. 3) lmd tshisakidila tshia A kamutu ka bualu 4—Tshiena-bualu: Bantu bonso nebikale ne makanda a mubidi tumatuma. (th dilonga 2)
Musambu wa 21
7. Angata mapangadika mimpe bua mudimu ne bua tulasa
(Min. 15) Diyukidilangana.
Nsonga wetu, udi mulongolole bua kuenza tshinyi pawajikija tulasa tua bikadilu? Pamuapa ukadi ne mudimu mu lungenyi wakuambuluisha bua kuangata bumpanda-njila. Peshi udi mua kuikala wela meji bua kumanya bikalaku tulasa tukuabu tuudi mua kulonga bua kupeta dimanya, anyi dipoloma peshi mukanda wakuambuluisha bua kupeta mudimu wa buena au. Etshi ntshikondo tshia dikema mu nsombelu webe! Nansha nanku, udi mua kumvua lungenyi lushikile bualu kuena mumanye tshia kuenza anyi bua mutoyi udibu bakuela kudi bakuabu bua wangate dipangadika diabasankisha. Ntshinyi tshidi mua kukuambuluisha bua kuangata mapangadika mimpe?
Bala Matayi 6:32, 33. Pashishe webeje bateleji ne:
-
Bua tshinyi mbimpe kudifundila bipatshila bia mu nyuma bisunguluke kumpala kua kuangata dipangadika dinene mu bualu bua mudimu ne bua tulasa?
-
Mmunyi mudi baledi mua kuambuluisha bana babu bua kutumikila dîyi dinene didi mu Matayi 6:32, 33?—Mis 78:4-7.
Dimuka! Kulekedi dinanga dia makuta a bungi ne dikeba lumu dikuangatshisha mapangadika to. (1Yn 2:15, 17) Vuluka ne: kuikala ne bubanji bua bungi kudi mua kupangisha muntu bua kuitaba mukenji wa Bukalenge. (Luk 18:24-27) Kuditua mu dikeba bubanji kudi mua kukupangisha bua kukolesha bulunda buebe ne Yehowa ne kudifila mu dienza malu adi amusankisha.—Mat 6:24; Mâk 8:36.
Ela FILME wa Dimuka bua kubenga kueyemena bintu biashikila!—Biuma. Pashishe webeje bateleji ne:
-
Mmunyi mudi Nsumuinu 23:4, 5 mua kukuambuluisha bua kuangata mapangadika mimpe?
8. Dilonga dia Bible dia tshisumbu
(Min. 30) bt nshap. 10 § 5-12
