Mu Bible mudi ngenyi ne mêyi a Yehowa Nzambi, bualu yeye ke muena mukanda wa tshijila eu. (2Pt 1:20, 21) Bible udi uleja ne: Bukalenge bua Nzambi nebujadike ne: Yeye ke udi ne bukenji bua kukokesha. Nunku udi upetesha bukua bantu ditekemena dia ne: malu neakane mu katupa kîpi emu. Udi uleja kabidi mudi Yehowa Tatu wetu muikale ne dinanga.​—Mis 86:15.

Yonso wa kutudi udi ne tshidiye munangile Dîyi dia Yehowa. Kadi tutu tudibala dituku dionso ne tutumikila malu adimu bua kuleja mutudi badinange anyi? Mbimpe bienzedi bietu bileje ne: tudi tumvua petu anu bu Davidi wakamba ne: “Ndi munange mikenji yebe be!”​—Mis 119:97.

NUTANGILE KATUPA KA FILME WA BAVUA BANANGE BIBLE (WILLIAM TYNDALE), PASHISHE NUANDAMUNE NKONKO EYI:

• William Tyndale uvua mukudimune tshitupa tshia Bible bua tshinyi?

• Mushindu uvuaye mudienzeje bua kukudimuna Bible udi utukemesha bua tshinyi?

• Mmunyi muvuabu babueje Bible wa Tyndale mu musokoko mu Angleterre?

• Ntshinyi tshidi yonso wa kutudi mua kuenza bua kuleja ne: mmunange Dîyi dia Nzambi?