Yeshaya 58:1-14
58 “Ela lubila lukole; kudikandi to!
Bandisha dîyi diebe bu mpungi.
Manyisha bantu banyi ditomboka diabu,+Ba mu nzubu wa Yakoba mpekatu yabu.
2 Badi bankeba ku dituku ne ku dituku,Ne badi baleja disanka bua kumanya njila yanyi,Bienze bu bavua tshisamba tshivua tshienze malu makane
Ne tshivua katshiyi tshilekele kulumbuluisha kuakane kua Nzambi watshi.+
Badi bandomba mêyi makane a dilumbuluisha,Basanka bua kusemena pabuipi ne Nzambi:+
3 ‘Bua tshinyi kuena umona patudi mu tshijila tshia biakudia?+
Ne bua tshinyi kuena umona patudi tudikengesha?’*+
Bualu mu dituku dia tshijila tshienu tshia biakudia, nuenu nudi nukeba malu adi anusankisha amu nuenu,*Ne nudi nukengesha bena mudimu benu.+
4 Tshijila tshienu tshia biakudia tshidi tshijika mu matandu ne mvita,Ne nudi nukumangana ne mbata wa malu mabi.
Kanuena mua kujila biakudia bu munudi nuenza lelu ne kuenza bua dîyi dienu diumvuike mu diulu to.
5 Tshijila tshia biakudia tshindi nsungula tshidi ne bua kuikala nunku anyi?Bu dituku dia muntu kudikengesha,*Kuinyika mutu wende panshi bu tshisonsa tshia ndawuNe kuvuija tshilamba tshikayabale ne butu bulalu buende anyi?
Etshi ke tshinudi nubikila ne: tshijila tshia biakudia ne dituku didi disankisha Yehowa anyi?
6 Tòo, etshi ke tshijila tshia biakudia tshindi musungule:
Kumbusha nkanu ya malu mabi,Kusulula mionji ya mutshi wa tshikokedi,+Kulekelela bantu badibu bakengesha,+Ne kutshibula mutshi wonso wa tshikokedi bitupa bibidi;
7 Mbua kuabanyangana tshiakudia tshiebe ne muntu udi ne nzala,+Bua kubueja bapele ne bantu badi kabayi ne nzubu mu nzubu muebe,Bua kuvuadika muntu udi butaka bilamba paudi umumona,+Ne bua kubenga kuela mashi enu* nyima.
8 Dîba adi butoke buebe nebutokeshe bu lunkelu,+Ne diondopibua diebe nedimueneke lukasa.
Buakane buebe nebuye kumpala kuebe,Ne butumbi bua Yehowa nebuikale mulami webe panyima pebe.+
9 Dîba adi neubikile, ne Yehowa neandamune;Neudile bua kulomba diambuluisha, ne yeye neambe ne: ‘Mmeme eu!’
Wewe mumbushe mutshi wa tshikokedi munkatshi muebeNe mulekele kufunkunangana munu ne kuambangana mêyi mabi,+
10 Wewe mupeshe bantu badi ne nzala tshiudi wewe muine musue*+Ne mukutshishe badi mu dikenga,*Dîba adi butoke buebe nebutokeshe too ne mu mîdima,Ne mifitu yebe neyikale bu munda munya.+
11 Yehowa neakulombole misangu yonsoNe neakukutshishe* nansha mu buloba bume;+Neakoleshe mifuba yebe,Ne wewe neulue bu budimi bua mâyi a bungi,+Bu mushimi udi mâyi awu kaayi akama.
12 Nebibakulule bikulu bia kale bua bualu buebe,+Ne newasulule bishimikidi bia bipungu bia bantu bia kale.+
Nebakubikile ne: mulongolodi wa bimanu biupuke,*+Mulongolodi wa njila ya kusombela ku muelelu kuayi.
13 Bua bualu bua Nsabatu, wewe mudikande* bua kukeba malu adi akusankisha anu wewe* dituku dianyi dia tshijila+Ne wewe mubikile Nsabatu ne: disanka dinene, dituku dia tshijila dia Yehowa, dituku dia kutumbisha,+Ne wewe mutumbishe dituku adi pamutu pa kukeba malu adi akusankisha anu wewe ne kuakula mêyi a patupu,
14 Dîba adi neupetele disanka dia bungi mu Yehowa,Ne meme nenkuendeshe pa miaba mitumbuke ya buloba.+
Nengenze bua udiile ku* bumpianyi bua nkambua webe Yakoba,+Bualu mukana mua Yehowa mmuakule.”
Note
^ Anyi “tukengesha anyima wetu.”
^ Anyi “disanka dienu.”
^ Anyi “kukengesha anyima wende.”
^ Anyi “musunyi webe.”
^ Anyi “anyima idi mu dikenga.”
^ Anyi “tshidi anyima webe mene musue.”
^ Anyi “neukutshishe anyima webe.”
^ Ku mua.: “masoso.”
^ Ku mua.: “mualuje dikasa diebe.”
^ Anyi “masanka ebe wewe.”
^ Anyi “bua usanke ne.”
