Yelemiya 30:1-24
-
Dilaya dia dipingajibua kabidi ne dia diondopibua (1-24)
30 Dîyi divua dilue kudi Yelemiya difumina kudi Yehowa, diamba ne:
2 “Mona tshidi Yehowa Nzambi wa Isalele wamba: ‘Mêyi onso andi nkuambila, afunda mu mukanda.
3 Bualu “mona! matuku adi alua,” ke mudi Yehowa wamba, “angasangisha bantu banyi badi bakuatshibue, Isalele ne Yuda,”+ ke mudi Yehowa wamba, “ne nembapingaje mu buloba bumvua mupeshe bankambua babu, ne bobu nebabupiane tshiakabidi.”’”+
4 Aa mmêyi avua Yehowa muambile Isalele ne Yuda.
5 Mona tshidi Yehowa wamba:
“Tudi bumvue mbila ya dizakala;Kudi buôwa bukole, ne kakuena ditalala.
6 Ebeja koku, bikala muntu mulume mua kulela.
Kadi bua tshinyi ndi mmona muntu yonso wa bukole mudikuate bianza mu difu*Bu mukaji pa lulelu?+
Bua tshinyi mpala yonso mmutokoloke?
7 Kaah! Dituku adi ndituku dia dikema.*+
Kakuena dikuabu didi bu diodi,Tshikondo tshia dikenga dia Yakoba.
Kadi nebamupandishe kudidi.”
8 “Mu dituku adi,” ke mudi Yehowa wa biluilu wamba, “Nentshibule tshikokedi, ntshiumbusha pa nshingu webe, ne nenkosolole nshinga* yebe mu bitupa bibidi; ne benyi* kabakumuvuija* kabidi mupika wabu nansha.
9 Nebenzele Yehowa Nzambi wabu ne mukalenge wabu Davidi ungabajudila mudimu.”+
10 “Wewe Yakoba muena mudimu wanyi, kutshinyi to,” ke mudi Yehowa wamba,“Ne kuzakadi to, wewe Isalele.+
Bualu nenkupandishile ku buleNe nempandishile bana bebe mu buloba budibu bakuatshibue.+
Yakoba neapingane, neikale talalaa, kayi utatshishibua,Kakuyi muntu wa kubatshinyisha.”+
11 “Bualu ndi nebe,” ke mudi Yehowa wamba, “bua kukupandisha.
Kadi nembutule ba munkatshi mua bisamba bionso mumvua mukutangalaje;+Kadi wewe, tshiakukubutula to.+
Nenkunyoke* mu mushindu mukumbane,Ne mu mishindu yonso tshiakupanga kukunyoka to.”+
12 Bualu mona tshidi Yehowa wamba:
“Kakuena luondapu bua ditshibuka diebe.+
Mputa webe kena mua kuondopibua.
13 Kakuena muntu wa kukulombela,Kakuena mushindu wa kuondopa mputa webe.
Kakuena luondapu buebe wewe to.
14 Bananga bebe bonso bavua bakuzukila mbakupue muoyo.+
Kabatshiena bakukeba kabidi.
Bualu ndi mukukume ne mukumu wa muena lukuna,Ne dinyoka dia muena tshikisu,+Bua tshilema tshiebe tshinene ne mpekatu yebe ya bungi.+
15 Bua tshinyi udi udila bua ditshibuka diebe?
Bidi bikusama kabiena mua kuondopibua!
Bua tshilema tshiebe tshinene ne mpekatu yebe ya bungi,+Ndi mukuenzele bualu ebu.
16 Nunku, bonso badi bakudia nebabadie,+Bena lukuna bebe bonso nebakuatshibue pabu.+
Badi bakupawula nebabapawule,Ne nemfile bonso badi bakunyenga bintu mu tshianza tshia banyengi.”+
17 “Kadi nenkupingajile bukole bua mubidi ne nengondope mputa yebe,”+ ke mudi Yehowa wamba,“Nansha muvuabu bakuinyike dîna dia muipata:
‘Siona, udibu kabayi bakeba kudi muntu.’”+
18 Mona tshidi Yehowa wamba:
“Tangila, ndi nsangisha bakuatshibue ba mu ntenta ya Yakoba,+Ne nengumvuile nzubu yende ya ntenta luse.
Nebibakulule tshimenga etshi pa kakunakuna kende,+Ne tshibumba tshikolesha netshimane pa muaba watshi udi mukumbane.
19 Disakidila ne mêyi a tuseku nebifumine kudibu.+
Nembavudije, kabakuikala bakese to;+Nembavuije ba bungi,*Ne kabakuikala bakese to.+
20 Bana bende nebalue bu muvuabu kumpala,Ne tshisumbu tshiende netshijadikibue bikole kumpala kuanyi.+
Meme nentangile tshilumbu tshia bonso badi bamukengesha.+
21 Muntu wende mutambe bunene neikale muntu wa ku bantu bende yeye,Ne munkatshi muende nemupatuke mfumuende.
Nengenze bua alue pabuipi, ne yeye neasemene pabuipi nanyi.”
“Tshianana, nnganyi udi mua kuteta* bua kusemena pabuipi nanyi?” ke mudi Yehowa wamba.
22 “Nenulue bantu banyi+ ne meme nengikale Nzambi wenu.”+
23 Monayi! Tshipepele tshikole tshia Yehowa netshikume diakamue mu tshiji tshikole,+Mvunde mukole udi ukomba udi udituta unyungulukila pa mutu wa bantu babi.
24 Tshiji tshikole tshia Yehowa katshiakupinganaToo ne pikalaye muenze ngenyi ya mu muoyo wende ne muyikumbaje.+
Ku ndekelu kua matuku nenujingulule bualu ebu.+
Note
^ Anyi “tshifuka.”
^ Ku mua.: “dinene.”
^ Ku mua.: “mikaba.”
^ Anyi “bantu ba ku babende.”
^ Anyi “kabakubavuija.”
^ Anyi “Nenkubele.”
^ Anyi pamuapa: “batumbishibue.”
^ Ku mua.: “kueyeka muoyo wende.”
