Nsumuinu 21:1-31
21 Muoyo wa mukalenge udi bu tusulu tua mâyi mu tshianza tshia Yehowa.+
Yeye udi uwutuma kuonso kudiye musue.+
2 Njila yonso ya muntu idi imueneka miakane kudiye,+Kadi Yehowa udi ukonkonona mioyo.*+
3 Kuenza malu adi mimpe ne makaneKudi kutamba kusankisha Yehowa kupita mulambu.+
4 Mêsu a didibandisha ne muoyo wa diambu,Muendu udi ulombola bantu babi mmpekatu.+
5 Malu adi bantu badi benza mudimu ne muoyo mujima balongolola adi bushuwa afika ku dikumbana,*+Kadi bantu bonso badi balubakana mbatangile bushuwa ku bupele.+
6 Kupetela bubanji ku ludimi lua dishimaKudi bu dibungi didi dijimina, buteyi bua lufu.*+
7 Tshikisu tshia bantu babi netshibabutule,+Bualu badi babenga kuenza malu ne buakane.
8 Njila wa muntu muena tshibawu mmukonyangale,Kadi mudimu wa muntu mukezuke mmululame.+
9 Mbimpe kusombela pa ditumba dia musaka wa nzubuPamutu pa kusombela mu nzubu umue ne mukaji muena matandu.*+
10 Muntu mubi* udi ujinga malu mabi ne muoyo mujima;+Kena uleja muinende luse nansha lukese.+
11 Padibu bapesha musekianganyi dinyoka, bantu badi kabayi ne dimanya badi balua bena meji,Ne padi muntu udi ne meji upeta busunguluji, udi upeta dimanya.*+
12 Muakane udi utangila nzubu wa muntu mubi;Udi utonkola bantu babi bua kabutu kabu.+
13 Muntu udi ujika ditshi diende ku muadi wa muntu mupuekeleYeye muine neabikile ne kabakumuandamuna to.+
14 Dipa difila mu musokoko didi dituyisha tshiji,+Ne mbuejilu mufila mu musokoko* udi utuyisha luonji lukole.
15 Ndisanka kudi muntu muakane bua kuenza malu ne buakane,+Kadi mbualu budi buenza buôwa kudi badi benza malu mabi.
16 Muntu udi upambuka mu njila wa busungulujiNeikishe mu dingumba dia bantu badi kabayi ne bukole mu lufu.+
17 Muntu udi munange kupitshisha bikondo bimpe* neabuele mu bupele;+Muntu udi munange mvinyo ne mafuta kakulua mubanji to.
18 Muntu mubi udi tshia kupikula natshi muntu muakane,Ne mutungidianganyi nebamuangate pa muaba wa bena bululame.+
19 Mbimpe kusombela mu tshipelaPamutu pa kusomba ne mukaji muena matandu,* muena bumfiika munda.+
20 Biuma bia mushinga mukole ne mafuta bidi mu nzubu mua muena meji,+Kadi muntu mutatakane neatulakaje* bidiye nabi.+
21 Muntu udi wipatshila buakane ne dinanga dia lulamatuNeapete muoyo, ne buakane, ne butumbi.+
22 Muena meji udi mua kubanda pa* tshimenga tshia bantu ba bukoleNe kutekesha bukole budibu beyemene.+
23 Muntu udi ulama mukana muende ne ludimi luendeUdi udiepula* ku ntatu.+
24 Muena dikamakama udi udisua ne diambu, ke muudi ubikilaMuntu udi wenza malu ne dikamakama kayi ne tshidiye utshiuka.+
25 Tshintu tshidi muena lulengu ujinga ne muoyo mujima netshimushipe,Bualu bianza biende bidi bibenga bua kuenza mudimu.+
26 Dituku dijima yeye udi ujinga bintu ne lukuka luonso,Kadi muntu muakane udi upeshangana, kayi upalangana tshintu nansha tshimue.+
27 Mulambu wa bantu babi udi tshintu tshibi.+
Udi utamba kubipa padi muntu uwufila ne meji mabi!*
28 Ntemu wa dishima neajimine,+Kadi muntu udi uteleja neafile bujadiki budi bukumbane.*
29 Muntu mubi udi wangata mpala wa dikamakama,+Kadi muntu muena bululame ke udi ne njila wende mushindame.*+
30 Kakuena meji, anyi dijingulula dia malu, peshi lungenyi padiku dibenga kumvuangana ne Yehowa.+
31 Kabalu nkalongolola bua dituku dia mvita,+Kadi lupandu ndua Yehowa.+
Note
^ Anyi “malu adi mu meji.”
^ Anyi “diakalenga.”
^ Anyi pamuapa: “bua badi bakeba lufu.”
^ Anyi “lunsuya.”
^ Anyi “Anyima wa muntu mubi.”
^ Anyi “udi umanya tshia kuenza.”
^ Ku mua.: “mbuejelu wa mu tshiadi.”
^ Anyi “udi munange masanka.”
^ Anyi “lunsuya.”
^ Ku mua.: “neamine.”
^ Anyi “kutshimuna.”
^ Anyi “wepula anyima wende.”
^ Anyi “ne tshikadilu tshia bundu.”
^ Ku mua.: “neakule tshiendelele.”
^ Anyi “ke udi ushindamija njila wende.”
