TSHIBUMBA TSHIA NSENTEDI Ngondo wa 12 2013 | Tudiku dijinga ne Nzambi anyi?
Bantu ba bungi mbamone ne: kabena dijinga ne Nzambi to, anyi bua malu a bungi adibu nawu kabena baditatshisha bua bualu buende to. Kumanya Nzambi kudi ne mushinga bushuwa anyi?
TSHIENA-BUALU TSHINENE
Bua tshinyi lukonko lua mushindu eu?
Konkonona amue malu adi aleja mudi bantu ba bungi badi bamba mudibu bitabuja Nzambi bangata mapangadika adi aleja ne: kenaku.
TSHIENA-BUALU TSHINENE
Bua tshinyi tudi dijinga ne Nzambi?
Mona mudi kuikala mu malanda ne Nzambi kutuambuluisha bua kuikala ne nsombelu muimpe ne disanka.
MALU A MU NSOMBELU
Ngakangata dipangadika dia kuenzela Yehowa mudimu matuku anyi onso a muoyo
Pavuaku kumushadile anu ngondo mikese bua kujikijaye tulasa tuende tua iniversite bua kuluaye muibaki munene, Bill Walden wakangata dipangadika dia kuenza bualu bukuabu matuku ende onso a muoyo. Bala bua umone mudi disungula diende dia kuenzela Nzambi mudimu bu mpanda-njila dishintulule nsombelu wende.
SEMENAYI PA BUIPI NE NZAMBI
“Tangilayi! Ndi mvuija bintu bionso bipiabipia”
Udiku musue kuikala ne muoyo mu buloba mudi kamuyi bisama, makenga ne lufu anyi? Mona muikala Nzambi mua kukumbaja mulayi wende.
‘Nenuikale numbula biamu bia mitaku ku mikuna’
Bintu bia kale bivuabu bapete matuku aa, bidi bileja patoke muvuabu benza mudimu ne biamu bia mitaku mu bikondo bivuabu bafunda Bible.
ULONGESHE BANA BEBE
Yezu Kristo—Mmunyi mutudi mua kumuvuluka?
Tudiku mua kuvuluka Yezu anu bu muana anyi? ‘Bena meji’ bavua balue kumumona bavua banganyi? Ntshinyi tshidi Yezu wenza mpindieu?
Mandamuna a nkonko ya malu a mu Bible
Dipingana dia Kristo didi ne tshipatshila kayi? Mu mushindu kayi wapinganaye, ne ntshinyi tshienzaye?
Biena-bualu bikuabu bidi ku Enternete
Bua tshinyi badi batubikila ne: Bantemu ba Yehowa?
Manya kudi dîna edi difumine.
