1. Talai, monai’po

Lūlu lulampe mpata.

Pano Yehova mwine

Ye wiluzunzwile.

Bantu batambanga

Koku ne koku bāya,

Amba ‘Tutōte Leza

Kadi tukōkele.’

Pano’pa katyutyu

Kekale ke muzo mukata.

Bengidi bavula,

Bine i Leza waesela.

Bonso betabija

Bubikadi bwa Leza.

Abo i batyipe

Kukamulonda nyeke.

 2. Yesu wāsoñenye

Amba sapula mwanda.

Pano myanda miyampe

Ke mifike konso.

Yesu i Mulopwe,

Usaka tumulonde.

Bible uludikanga

Betyepeje bonso.

Buya’byo kumona

Kibumbo kikata kitanta.

Tukwashe bakwetu

Nabo bamuyuke Yehova.

Twite amba: ‘Kandai

Ku lūlu lwa Yehova,

E ko kwa kwikala

Mafuku onso nyeke.’