MALONDOLOLO KU BIPANGUJO BIMANINE PA BIBLE

Le kujoka kwa Kidishitu kudi na kitungo’ka?

Kumeso kwa Yesu Kidishitu kwenda mūlu mu mwaka 33 K.K., wālaile’mba ukajoka. Wēdingakenye na muntu wa ku kisaka kya bulēme wāendele lwendo lwa mafuku mavule ne kujoka na bukomo bwa kuludika bu mulopwe. Nanshi kitungo kya kujoka kwa Yesu i kya kupa muzo wa muntu umbikalo muyampe.​—Tanga Luka 19:11, 12.

Lelo Yesu ukajoka na ngitu ya muswelo’ka? Wāsangwilwe bu muntu wa ku mushipiditu wampikwa kumweka. (1 Petelo 3:18) Kupwa wāenda mūlu, washikata ku kuboko kwa lundyo kwa Leza. (Mit. 110:1) Mafuku pa kupita’po Yesu wākamweka kumeso a Yehova Leza “Kafulamoba,” mwine wāmupele bukomo bwa kuludika muzo wa muntu. Nanshi Yesu kakajokapo bu muntu, ino bu Mulopwe wakubulwa kumweka.​—Tanga Danyele 7:13, 14.

Lelo i bika bikalonga Yesu kitatyi kyakajoka?

Kitatyi kikajoka Yesu pampikwa kumweka na bamwikeulu bandi, ukatyibila bantu mambo. Ukonakanya bantu babi ne kupa boba bamwitabije bu Mulopwe būmi bwa nyeke.​—Tanga Mateo 25:31-33, 46.

Yesu uludika bu Mulopwe ukalamuna ntanda ke paladisa. Ukasangula bafwe mwanda wa basangele būmi mu ino ntanda ikalamunwa ke Paladisa.​—Tanga Luka 23:42, 43.

Shi usaka kuyukila’ko bivule, tala paje 73-85 wa dino dibuku, dilupwilwe na Batumoni ba Yehova

Ditūdilwe mwanda wa kusela pa www.jw.org