Le ke bikufikile watunya kuvuluka kisonekwa kyosenswe? Padi i kisonekwa kikuseñanga, kikukwashanga ukomene milangwe mibi, nansha kyokimba kukwasha nakyo muntu. (Ñim. 119:​11, 111) Tala manwa kampanda abwanya kukukwasha uvuluke bisonekwa.

• Ingidija JW Library^®. Tula’mo kakipindi “Bisonekwa Byonsenswe,” ne kulemba’mo bisonekwa byonso byokimba kuvuluka.

• Lemba kisonekwa pantu pobwanya kwikimona. Lemba pa kapapye kisonekwa kyokimba kuvuluka, ne kwikitūla pantu pobwanya kwikimona kitatyi ne kitatyi. Bamo bekitūlanga dya ku kiyo; bakwabo bekitūlanga ku kibelo kya frigo. Inoko bangi nabo bakwatanga kisonekwa’kya foto kupwa beitūla pa dikalashi dya olodinatele nansha dya telefone yabo.

• Lemba pa kalata. Lemba binenwa bya mu kisonekwa bukila bumo ne bukila bukwabo ulembe’mo kisonekwa kine. Kupwa tompa kutala polembele binenwa bya mu kisonekwa mwanda wa kuvuluka kisonekwa nansha kutala bukila budi kisonekwa mwanda wa kuvuluka binenwa bya mu kisonekwa.