KAPANGO KA BUFUNDIJI 21A
“Kyabuntu Kyomufwaninwe Kutūla Pafula”
Tulondei Ezekyele patala na katentekeji kipindi kya ntanda kyatūla Yehova pafula. Kidi na bintu bitano. Le i bintu’ka? Ne bidi na kitungo’ka?
A. “Kyabuntu”
I kya kwingidijibwa na umbikalo kadi i kitelwe bu “kipindi kya buludiki.”
B. “Kyabuntu Kyonso”
I kitūlwe pafula mwanda wa babitobo, bene Levi, ne kibundi. Kadi, bantu ba mu bisaka byonso 12 batwelanga mu kino kipindi mwanda wa kutōta Yehova ne kukwatakanya mpangiko ya buludiki.
C. “Ntanda ya Mfumu”
“Ino ntanda ikekala ke kintu kyandi mu Isalela.” “Kikekala kya mfumu.”
D. “Kyabuntu Kijila”
Kino kipindi i kitelwe ne bu “kipindi kijila.” Kipindi kya kungala i “kya bene Levi.” I “kintu kijila.” Kipindi kya pa bukata i “kyabuntu kijila kya babitobo.” I “kifuko kya mobo abo ne kifuko kikola kya kipandulwe,” nansha tempelo.
E. “Kifuko Kishele’ko”
“Kikekala kya njibo yonso ya Isalela” ne “kya bantu bonso mu kibundi, bu mwa kūbaka mobo ne ntanda ya madyo.”
