BYABULĒME BYA MU KINENWA KYA LEZA | ÑIMBO YA MITŌTO 34-37
Kulupila Mudi Yehova, ne Kulonga Biyampe
‘Kokabila balonga bikondame’
-
Kokaleka kubwina kwa kakitatyi katyetye kwa bantu babi kukulabike uleke kwingidila Yehova. Tá mutyima obe ku madyese ne ku bitungo bya ku mushipiditu
“Kulupila mudi Yehova, ne kulonga biyampe”
-
Kulupila’mba Yehova ukakukwasha mu kutatana nansha mu kukambakanya mutyima ko-konso. Ukakukwasha wikale nyeke mukōkele
-
Ingila bininge na kusapula myanda miyampe ya Bulopwe bwa Leza
“Wisangaje mudi Yehova”
-
Tūla mpangiko ya kutanga Kinenwa kya Leza ne kulangulukila’po na kitungo kya kuyuka Yehova senene
“Fikija dishinda dyobe kudi Yehova”
-
Kulupila na mutyima onso amba Yehova ukakukwasha mu mwanda o-onso
-
Lama nyeke mwiendelejo muyampe powikonda na lwana, kupangwapangwa, nansha ponenenwa bibi
“Olokwa [nansha kwikala talala] mudi Yehova; umutengele ne mutyima utūkije”
-
Epuka bilongwa bya kansontomokela kutyina byakakujimijija nsangaji yobe ne mutyima-ntenke wa ku mushipiditu
“Bakikōkeji bakapyananga ntanda”
-
Ikala mutūkanye, ne kwilaija na kwityepeja amba Yehova ukatalula’ko bukondame bonso bomona
-
Kwatakanya banabetu betabije, ne kusenga batyumukilwe mutyima pa mwanda wa mulao wa Leza wa ntanda mipya, mwine wafwena bininge
Bulopwe bwa Meshiasa bukaleta madyese keaneneka
