Mwanda waka tufwaninwe kupwana nyeke na bantu basenswe Yehova? Mwanda bantu botupwana nabo babwanya kwitukwasha nansha kwitona. (Nki 13:20) Kimfwa, Mulopwe Yehoashe wālongele “byoloke ku meso a Yehova” paādi upwene na Kitobo Mukatampe Yehoyada. (2Bi 24:2) Yehoyada paāfwile, Yehoashe waleka Yehova pa mwanda wa balunda babi.​—2Bi 24:17-19.

Mu myaka katwa kabajinji Yesu ke mwiye, mutumibwa Polo wādingakenye kipwilo kya bwine Kidishitu na “njibo mikatampe,” ne bantu ba mu kipwilo nabo na “bipungwa,” nansha’mba bingidilwa bya mu njibo. Tukekala nyeke bu “kingidilwa kya mwingilo wa bulēme” shi tupela kupwana na muntu e-ense, ekale wa mu kisaka nansha wa mu kipwilo ulonga byobya bipela Yehova. (2Tm 2:20, 21) Nanshi, tupwanei nyeke na balunda basenswe Yehova ne betukankamika tumwingidile.

TALAI VIDEO WIFUNDE MWA KUPELELA BALUNDA BABI, KUPWA LONDOLOLAI BINO BIPANGUJO:

• Le i mu miswelo’ka motubwanya kupwana na balunda babi mu kitulumukila?

• Mu ino video, le i bika byakwasha bene Kidishitu basatu batyibe kipwano na balunda babi?

• Le i misoñanya’ka ya mu Bible ibwanya kukukwasha utonge balunda bayampe?