Shi muntu wakwipangula kine kyokulupidile mu bupangi, le ukalondolola namani? Pa kulondolola na kikulupiji, ufwaninwe kulonga bino bintu bibidi: Kibajinji, ufwaninwe kunekenibwa abe mwine amba bupangi i mwanda wa bine. (Lo 12:1, 2) Kya bubidi, ufwaninwe kulangulukila pa muswelo wa kushintulwila muntu lwitabijo lobe.—Nki 15:28.

TALAI VIDEO DOKITELE UPASULANGA MU NUNGILO YA MIKUPA USHINTULULA LWITABIJO LWANDI NE VIDEO MUNTU MUFUNDE BŪMI BWA BANYEMA USHINTULULA LWITABIJO LWANDI PA KUYUKA BUBINGA BUKULUPIDILE BANTU BAKWABO MU BUPANGI, KUPWA LONDOLOLAI BINO BIPANGUJO:

• Mwanda waka Irène Hof Laurenceau i mukulupile mu bupangi pa kyaba kya kukulupila mu kwialamuna?

• Mwanda waka Yaroslav Dovhanych i mukulupile mu bupangi pa kyaba kya kukulupila mu kwialamuna?

• Le i muswelo’ka obwanya kushintulwila muntu kine kyokulupidile mu bupangi?

• Le i bingidilwa’ka bilupwile bulongolodi bwa Yehova bidi mu lwenu ludimi bya kukukwasha unekenibwe abe mwine ne kunekenya bakwenu amba Leza ye wāpangile bintu byonso?