Isaya 35:1-10
35 Mu ntanda mutuputupu ne ntanda myūmu tē bikasepelela,+Kadi dilungu mudi zolē dikasangala ne kutōya maluba pamo bwa safelona.+
2 Ikatōya maluba bya binebine;+Ikasangala ne kwela nsadi ya tusepo.
Ikapebwa ntumbo ya Lebanona,+Buya bwa dyangi bwa Kalamela+ ne bwa Shalone.+
Bakamona ntumbo ya Yehova, buya bwa dyangi bwa Leza wetu.
3 Komejai maboko mazoze,Kadi ningijai manwi atelententa.+
4 Nenai boba bazumbija mityima yabo amba:
“Mwikomejei. Kemwakikwatwai moyo.
Talai! Leza wenu ukāya na kinongo,Leza ukāya na mfuto.+
Ukāya ne kwimupandija.”+
5 Mu kine kitatyi’kya meso a bampofu akapūtulwa,+Matwi a ba bitwi nao akajikulwa.+
6 Mu kine kitatyi’kya usunkuta ukatumbuka’nka bwa kasha kalume,+Kadi ludimi lwa kamāma lukela nsadi ya tusepo.+
Mwanda mema akalondomoka mu ntanda mutuputupu,Ne tuminonga nato mu dilungu mudi zolē.
7 Nshi myūmu tē ikekala ke kijiba kya mabungu,Nshi myūmu nayo ke masulo a mema.+
Mu mitá mwadi mwikalanga mizeu,+Mukekala biyombo bibishi ne mabungu ne mbuba.
8 Kadi kukekala dishinda dikatampe,+Bine, dishinda ditwa bu Dishinda dya Buujila.
Muntu wa disubi kakenda’mopo.+
I dya muntu wenda mu dishinda;I kutupu mulembakane ukasabila’mo.
9 I kutupu ntambo nansha umo ukekala’mo,Kadi banyema ba ntanda ba budyani kebakāya’mopo.
Kebakatanwa’mopo;+Enka boba bakūdilwe bo bakenda’mo.+
10 Boba bakūdilwe na Yehova bakajoka+ ne kwiya ku Ziona na nsadi ya tusepo.+
Ndoe keidi mpwilo ikebavwikwa ku mitwe.+
Bakekala na nsangaji ne kusepelela,Kadi njia ne kubinza bikanyema.+
