Isaya 25:1-12
25 A Yehova, abe wi Leza wami.
Nkuzunzulanga, ntendelanga dijina dyobe,Mwanda wi mulonge bintu bya kutendelwa,+Bintu byalangilwe* tamba bitatyi bya kala,+Mu bubinebine,+ ne mu kikulupiji.
2 Mwanda ubaalamuna kibundi ke mulwi wa mabwe,Kibundi kikomejibwe ke masala onkaonka.
Kiteba kya mweni kekikidipo monka bu kibundi;Kekikōbakululwapo nansha dimo.
3 O mwanda bantu bakomokomo bakakutumbija;Kibundi kya mizo isusulañana kikakutyina.+
4 Mwanda ubaikala kodi kifuko kikomejibwe kudi muntu mupēlulwe,Kifuko kikomejibwe kudi mulanda mu tusua twandi,+Mwa kunyemena ku mvula wa kimpumpu,Ne mwemba ku kyanga.+
Kitatyi kikalanga lunwa lwa bantu ba kasusu pamo bwa mvula wa kimpumpu witema mu lubumbu,
5 Pamo bwa kyanga mu ntanda myūmu tē,Ubatalaja lupotopoto lwa beni.
Pamo bwa kyanga kitalajibwa na mwemba wa dikumbi,Ne lwimbo lwa ba kasusu nalo i lutalajibwe.
6 Mu luno lūlu,+ Yehova wa bibumbo ukasobela bantu bonsoMasobo a byakudya bilumbuluke,+Masobo a vinyu milumbuluke,*A byakudya bilumbuluke biyule māni a mu mikupa,A vinyu milumbuluke, kadi misāse.
7 Mu luno lūlu ukafundula* kisandi kipūtyile bantu bonsoNe kipūtwa* kisukilwe pa mizo yonso.
8 Ukamina* lufu nyeke,+Kadi Mfumu Mwinē Lupusa Lonso Yehova ukapampula impolo mu mapala onso.+
Mutonko wa bantu bandi ukeutalula pa ntanda yonso,Mwanda Yehova aye mwine wesambe’kyo.
9 Mu dyodya difuku bakanena’mba:
“Talai! Uno’u ye Leza wetu!+
Twi bamukulupile,+Nandi uketupandija.+
Uno’u i Yehova!
Twi bamukulupile.
Tusangalei ne kusepelela mwanda wetupandija.”+
10 Mwanda kuboko kwa Yehova kukekala pa luno lūlu,+Kadi Moabu ukanyantwa pa kifuko kyandi+Pamo bwa biyombo binyantwa mu mulwi wa mboleo.
11 Ukakupila’mo makasa andiPamo bwa muntu usumba* ukupila makasa andi pa kusumba,Kadi ukatūkija kwizunzula kwandi+Na kujinya makasa andi na bwino.
12 Ino kibundi kikomejibwe, pamo ne mumbu yobe milampe ikukingile,Aye ukekitūkija;Ukekiponeja pa nshi, enka ne mu luvumbi.
Kunshi kwa Dyani
^ Nansha’mba “Madingi a.”
^ Nansha’mba “a vinyu milamibwe mu nkuja.”
^ Nansha’mba “kilenda.”
^ Kishima pa kishima i, “ukamina.”
^ Nansha’mba “Ukafundula.”
^ Nansha’mba “oila, usaila.”
