Bilongwa bya Mafuku Umbajinji 20:1-8
20 Ku ngalwilo kwa mwaka,* pa kitatyi kyendanga balopwe ku malwi, Yoabe+ watangidila basola ku divita, waonakanya ntanda ya bene Amone; waiya watēkela Laba+ kasāla, papo Davida wadi ushele mu Yelusalema.+ Yoabe watamba Laba bulwi, wekitūta.+
2 Kupwa Davida wasela kilukwa kya Malakame ku mutwe wandi, wajingulula’mba bulēmi bwakyo bwadi bwa talenta* imo ya olo, kadi kyadi na mabwe malēme munda; kupwa kyavwikwa Davida ku mutwe. Kadi wasela ne bitūtwa bivule bya mu kibundi.+
3 Walupula ne bantu badi’mo webatūla ku mwingilo+ wa kusōnga mabwe ne wa kwingila na bingidilwa bya bui bya byuma ne na tusolwa. Bino byo byalongele Davida ku bibundi byonso bya bene Amone. Ku mfulo Davida ne bibumbo byonso bya basola bajokela ku Yelusalema.
4 Kupwa papo, divita dyashilula ku Ngezele na bene Fidishitia. Mu kine kitatyi’kya Shibekai+ mwine Husha watapa Shipai, wa ku lutundu lwa bene Lefaime,+ ne kunekenibwa banekenibwa.
5 Divita dyashilula monka na bene Fidishitia, kadi Elanana mwanā Yaila watapa Lami mwanabo na Ngodiata+ mwine Ngata, wadi na mukobe wa lupumba* lwadi pamo bwa mutyi wa basukanga bisandi.+
6 Kadi divita dyashilula monka ku Ngata,+ kwadi muntu wa kimano kipite’byo kipimo,+ wa minwe 6 ku kuboko ne kuboko ne maná 6 ku kinyantyilo ne kinyantyilo, 24 pa byonso; nandi wadi wa ku lutundu lwa bene Lefaime.+
7 Wadi ukolomona+ Isalela kyaba kyonso. Penepo Yonafane mwanā Shimea,+ mwanabo na Davida wamwipaya.
8 Bano bo bantu ba ku lutundu lwa bene Lefaime+ mu Ngata,+ kadi baponene ku kuboko kwa Davida ne ku kuboko kwa bengidi bandi.
Kunshi kwa Dyani
^ Ko kunena’mba, ku ngalwilo ya buyo.
^ Kintu kya makilo 34,2. Tala Mbwejo B14.
^ Mutyi mukwikwanga mukobe.
