Ñimbo ya Mitōto 81:1-16
Kudi mukulu wa bañomba; pa Ngityite.* Lwimbo lwa Asafa.+
81 Elai nsadi ya tusepo kudi Leza, bukomo bwetu.+
Tūtyilai Leza wa Yakoba kyungwe kya bushindañani.
2 Shilulai kwimba musele ne ñoma,Lunsense luleululwe pamo ne kyombanwa kya myonji.
3 Ilai lusengo pa kweji katenta,+Kitatyi kikala kweji ke mutuntulu, mwanda wa difuku dya masobo etu.+
4 Mwanda i lubila kudi Isalela,Kijila kya Leza wa Yakoba.+
5 Watūdile’kyo bu kivulujo pa mwanda wa Yosefa+Pawatambile kukalwa na ntanda ya Edipito.+
Naivwene diwi* dyonkyajingulwilepo amba:
6 “Namutentwile kiselwa kilēma pa kipuji kyandi;+Maboko andi alekelela ku kisaku.
7 Waityile mu tusua tobe, nami nakukūla;+Nakulondolola mu dikumbi dya mikungulo.*+
Nakutompa pa mema a Mediba.*+ (Sela)
8 A bantu bami ivwanai, nsa kuleta bukamoni pomudi.
A Isalela, shi wangivwene’tu.+
9 Mu bukata mobe, kemukekalapo leza mweni nansha umo,Kadi abe kukevukwilapo kudi leza ungi.+
10 Ami Yehova, ne Leza obe,Mwine wakulupwile mu ntanda ya Edipito.+
Asama kyakanwa kyobe bininge, nami nkekiyuja bā.+
11 Ino bantu bami kebaivwenepo diwi dyami;Isalela kaunkōkelepo.+
12 Penepo nebaleka balonde mityima yabo myūmu;Balonga byobadi balanga bu byoloke.*+
13 Yō, shi bantu bami bangivwene’tu,+Shi Isalela wanangīle’tu mu mashinda ami!+
14 Nadi wa kunekenya bukidibukidi balwana nabo;Nadi wa kwalamuna kuboko kwami pa bakinkwa nabo.+
15 Boba bashikilwe Yehova bakatetema ku meso andi,Kadi mfulo* yabo ikekala ya nyeke.
16 Ino abe* ukakudisha ñano* milumbuluke kutabuka+Ne kukwikutyija būki butamba mu dibwe.”+
Kunshi kwa Dyani
^ Tala Nshintulwilo ya Bishima.
^ Nansha’mba “ludimi.”
^ Ko kushintulula’mba “Kwipotomeja.”
^ Kishima pa kishima i, “mu kifuko kifyame kya mikungulo.”
^ Kishima pa kishima i, “Banangila mu madingi abo.”
^ Kishima pa kishima i, “kitatyi.”
^ Kishima pa kishima i, “aye,” ko kunena’mba, bantu ba Leza.
^ Kishima pa kishima i, “māni a ñano.”
