Ñimbo ya Mitōto 138:1-8
Lwimbo lwa Davida.
138 Nkakutendelanga na mutyima wami onso.+
Ku meso a baleza bakwabo,Nkembanga mitendelo.*
2 Nkevukwilanga dya ku tempelo* yobe ijila,+Kadi nkatendelanga dijina dyobe+Pa mwanda wa buswe bobe bwa ndamatyidile ne bubinebine bobe.
Mwanda ubatumbija binenwa byobe ne dijina dyobe pangala pa bintu bikwabo byonso.*
3 Mu difuku dyonakwityile, wangitabile;+Wauningije* ne kunkomeja.+
4 Balopwe bonso ba pa ntanda bakakutendelanga, abe Yehova,+Mwanda bakevwananga milao yowalaile.
5 Bakembilanga mashinda a Yehova,Mwanda ntumbo ya Yehova i mikatampe.+
6 Nansha Yehova byadi peulu, umonanga muntu mwityepeje,+Ino yewa wizunzula umuyukilanga’tu kulampe.+
7 Nansha shi nange mu bukata bwa kyaka, abe ukampandijanga.+
Ubaolola kuboko kobe pa bulobo bwa balwana nami;Kuboko kobe kwa lundyo kukampandijanga.
8 Yehova ukafikidijanga bintu byonso pa mwanda wami.
A Yehova, buswe bobe bwa ndamatyidile bulādilanga nyeke;+Kokaleka mingilo ya makasa obe.+
Kunshi kwa Dyani
^ Bibwanika padi i, “Nkakombelanga minjiki mwanda wa kusomba baleza bakwabo.”
^ Nansha’mba “kipandulwe.”
^ Bibwanika padi i, “ubatumbija binenwa byobe peulu pa dijina dyobe dyonso.”
^ Nansha’mba “Wauningije mu muya wami.”
