Ñimbo ya Mitōto 111:1-10
111 Tendelai Yah!*+
א [Aleph]
Nkatendelanga Yehova na mutyima wami onso+
ב [Beth]Mu kitango kibungile pamo kya bantu boloke swā ne mu kipwilo.
ג [Gimel]
2 Mingilo ya Yehova i mikatampe;+
ד [Daleth]Ifundwanga na boba bonso basangela’yo.+
ה [He]
3 Mwingilo wandi i wa ntumbo ne buya bwa dyangi,
ו [Waw]Kadi boloke bwandi bulādilanga nyeke.+
ז [Zayin]
4 Uvulujanga mingilo yandi ya kutendelwa.+
ח [Heth]
Yehova i wa kanye* ne lusa.+
ט [Teth]
5 Upanga boba bamutyina byakudya.+
י [Yod]
Uvulukanga kipwano kyandi nyeke.+
כ [Kaph]
6 Wasokwela bantu bandi bilongwa byandi bya bukomo
ל [Lamed]Na kwibapa bupyani bwa mizo.+
מ [Mem]
7 Mingilo ya makasa andi i bubine ne boloke;+
נ [Nun]Misoñanya yandi yonso i ikulupilwa.+
ס [Samekh]
8 Ayo i ikulupilwa* kyaba kyonso, dyalelo ne nyeke;
ע [Ayin]I milongwe mu bubine ne boloke.+
פ [Pe]
9 Wape bantu bandi bukūdi.+
צ [Tsade]
Wasoñenye amba kipwano kyandi kikalādila nyeke.
ק [Qoph]
Dijina dyandi i dijila kadi dilenga nzuba.+
ר [Resh]
10 Kutyina Yehova yo ngalwilo ya tunangu.+
ש [Sin]
Boba bonso balama misoñanya yandi* balombolanga bujinguludi buyampe.+
ת [Taw]
Mitendelo yandi ilādilanga nyeke.
Kunshi kwa Dyani
^ Nansha’mba “Aleluya!” “Yah” i dijina Yehova mu kīpi.
^ Nansha’mba “ufwila lusa.”
^ Nansha’mba “mishimatyije biyampe.”
^ Kishima pa kishima i, “Boba bonso balonda’yo.”
