Mu Bible, mwine uyukene ne bu Bisonekwa Bijila, mudi binenwa bivule bya tunangu. Ino tala binena Bible pa mwawalongelwe amba: “Kisonekwa kyonso i kisonekejibwe na mushipiditu wa Leza.” (2 Temote 3:16) Kudi bukamoni buvule bubingija bino binenwa. Tala’tu bidi buno bulonda’ko:

•   I kutupu muntu ubwanya kulombola’mba Bible ke wa binepo mu mānga.

•   Balembi ba Bible bādi bantu bampikwa budimbidimbi bālembele pamikwa kufya kintu nansha kimo. Bilembwa byabo bya kubulwa kafinda bilombola’mba i wa bine.

•   Bible udi na mutwe wa mwanda mukatampe umo: kubingija lupusa lwa Leza lwa kubika bantu ne kufikidija mpango yandi kupityila ku Bulopwe bwandi bwa mūlu.

•   Nansha byaālembelwe pano ke padi tununu twa myaka, mu Bible kemudipo milangwe mitupe ya sianse yādi misambakane konsokonso pa kala.

•   Bukamoni bwa bilembwa bya pa kala bulombola’mba, bupolofeto nansha milao ya mu Bible, byafikidile.