MUZWELEPILI KUTONA!
Ki Kabakalañi Litaba za Bupolitiki Halikauhanya Hahulu Batu?—Bibele Ibulelañi fa Taba Yeo?
Kupotoloha lifasi kaufela batu mwa linaha zeñata bakauhani kabakala litaba za bupolitiki. Ka kuya ka patisiso yeneezizwe ki ba Pew Research Center mwa 2022, “ibato ba hafu ya babahulu babafumaneha mwa linaha ze 19 babulela kuli mwa linaha zabona batu babayemela likwata za bupolitiki zeshutana habalumelelani.”
Kana mulemuhile kuli batu mwa sibaka semupila ku sona bakauhani kabakala litaba za bupolitiki? Ki kabakalañi hakuli cwalo? Kana kunani zekona kutatulula butata bo? Munyakisise zeibulela Bibele.
Mikwa yekauhanya batu
Bibele neipolofitile kuli mwa linako zaluna, zebizwa “mazazi a mafelelezo,” batu babañata nebakaba ni mikwa yeneka tahisa kuli kube taata kuswalisana mwahalaa bona.
Mwa mazazi a mafelelezo kukataha linako zetaata, zeziyeza. Kakuli batu bakaba baitati, . . . babañañelela mihupulo yabona.”—2 Timotea 3:1-3.
Kusina taba ni buikatazo bobasweli kueza batu babañata, mibuso yapalelwa kukondisa. Batu babanani mibonelo yelwanisana kubabelanga hahulu taata kusebelisana hamoho kuli batatulule butata. Zezwanga mwateñi lilumelelana ni zene ipolofitile Bibele lilimo zeñata kwamulaho.
‘Mutu ubile ni maata a kuhatelela yomuñwi, kumueza maswe.’—Muekelesia 8:9.
Nihakulicwalo, Bibele italusa zeka tatulula butata bo, kuli ki mubuso oka busiwa ki mutu yakona kufelisa miinelo yetaata yetahisa kuli batu banyande.
Mubusi yaswanela ili yaisa batu pilu
Bibele italusa mubusi yo yaswanela kuli: ki Jesu Kreste. Jesu unani maata a kubusa ni takazo ya kutisa swalisano ni kozo kwa batu kaufela.
“Mwa mazazi ahae, yalukile ukakonda, mi kozo ikaekezeha.”—Samu 72:7.
“Macaba kaufela aka musebeleza.”—Samu 72:11.
Jesu ki mubusi yomunde bakeñisa kuli waiyakatwa batu mi ubata kubatusa, sihulu batu babaezwa maswe.
“Kakuli ukalamulela mubotana yalilela kutusiwa, ni mutu wa mayemo a kwatasi ni mutu kaufela yasina yamutusa. Ukashwela makeke mutu wa mayemo a kwatasi ni mubotana, mi ukapilisa bupilo bwa babotana. Uka balamulela kwa buhateleli ni kwa mifilifili.”—Samu 72:12-14.
Muitute zeñata ka za Mubuso wa Mulimu, ili mubuso wa kwa lihalimu obusiwa ki Jesu. Mubone momukona kutusezwa ki mubuso wo ni zemukona kueza kuli mubonise kuli mwauyemela.
Mubuhe vidio yeli Mubuso wa Mulimu ki Nto Mañi?
Hape Mwendi Mwakona Kutabela Litaba Ze
LIKALABO KWA LIPUZO ZA BIBELE
Kana Bibele Neipolofitile ka za Munahanelo ni Mikwa Yebanani Yona Batu Kacenu?
Bibele neipolofitile kuli batu nebakaba ni mikwa yemaswe hahulu.
MAVIDIO A LITUTO ZA BUTOKWA ZA MWA BIBELE
Mubuso wa Mulimu Ukalile Kubusa ka 1914
Lilimo zefitelela 2,500 kwamulaho, Mulimu naatahisize kuli mulena yomuñwi yamaata abone tolo yesweli kutalelezwa mwa linako zaluna.
TAWALA YA MULIBELELI
Ki Mañi Mulena wa Mubuso wa Mulimu?
Bañoli babañata ba Bibele nebañozi litaba zeneka tusa batu kuziba yanaakaba Mulena wa Mubuso wa Mulimu. Jesu ki yena feela yanaapilile ka kulumelelana ni litaba zene bañozi zeo ka za yanaakaba Mulena.
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
