ໂຢຊວຍ​ແລະ​ຊາໂລໂມນ​ຢືນຢັນ​ວ່າ​ຄຳ​ສັນຍາ​ທັງ​ໝົດ​ຂອງ​ພະ​ເຢໂຫວາ​ສຳເລັດ​ເປັນ​ຈິງ. (ຢຊວຍ. 23:14, 1 ກະ. 8:56) ການ​ຢືນຢັນ​ທີ່​ເຊື່ອຖື​ໄດ້​ຂອງ​ພະຍານ​ທັງ​ສອງ​ຄົນ​ນີ້ ເປັນ​ພື້ນຖານ​ໜັກແໜ້ນ​ເພື່ອ​ສ້າງ​ຄວາມ​ເຊື່ອ​ຂອງ​ເຮົາ.—2 ໂກ. 13:1; ຕິໂຕ 1:2.

ພະ​ເຢໂຫວາ​ເຮັດ​ໃຫ້​ຄຳ​ສັນຍາ​ຂອງ​ພະອົງ​ສຳເລັດ​ເປັນ​ຈິງ​ແນວ​ໃດ​ໃນ​ສະໄໝ​ຂອງ​ໂຢຊວຍ? ຂໍ​ເຈົ້າ​ແລະ​ຄອບຄົວ​ເບິ່ງ​ວິດີໂອ “ບໍ່​ມີ​ຈັກ​ຄຳ​ທີ່​ບໍ່​ສຳເລັດ.” ແລະ ຕອບ​ຄຳຖາມ​ຕໍ່​ໄປ​ນີ້: (1) ເຈົ້າ​ຈະ​ຮຽນ​ແບບ​ລາຫາບ​ແນວ​ໃດ​ໃນ​ການ​ສະແດງ​ຄວາມ​ເຊື່ອ? (ເຫບ. 11:31; ຢໂກ. 2:24-26) (2) ອາການ​ສະແດງ​ໃຫ້​ເຫັນ​ແນວ​ໃດ​ວ່າ​ການ​ບໍ່​ເຊື່ອ​ຟັງ​ພະ​ເຢໂຫວາ​ຈະ​ເກີດ​ຜົນ​ເສຍ​ຮ້າຍ​ແຮງ? (3) ເຖິງ​ວ່າ​ພວກ​ຄາບາໂອນ​ເປັນ​ນັກ​ຮົບ ເປັນ​ຫຍັງ​ເຂົາ​ເຈົ້າ​ຈຶ່ງ​ຫຼອກ​ລວງ​ໂຢຊວຍ​ແລະ​ສ້າງ​ສັນຕິ​ກັບ​ອິດສະລາແອນ? (4) ຄຳ​ສັນຍາ​ຂອງ​ພະ​ເຢໂຫວາ​ສຳເລັດ​ເປັນ​ຈິງ​ແນວ​ໃດ​ເມື່ອ​ກະສັດ​ອາໂມເລເອນ​ທັງ​ຫ້າ​ຂົ່ມ​ຂູ່​ອິດສະລາແອນ? (ຢຊວຍ. 10:5-14) (5) ພະ​ເຢໂຫວາ​ຊ່ວຍ​ເຈົ້າ​ແນວ​ໃດ​ເມື່ອ​ເຈົ້າ​ໃຫ້​ລາຊະອານາຈັກ​ແລະ​ຄວາມ​ຊອບທຳ​ຂອງ​ພະອົງ​ເປັນ​ສິ່ງ​ສຳຄັນ​ທີ່​ສຸດ​ໃນ​ຊີວິດ​ຂອງ​ເຈົ້າ?—ມັດ 6:33.

ຄວາມ​ເຊື່ອ​ເຮົາ​ຈະ​ເຂັ້ມແຂງ​ຂຶ້ນ ເມື່ອ​ຄິດ​ຕຶກຕອງ​ກ່ຽວ​ກັບ​ສິ່ງ​ທີ່​ພະ​ເຢໂຫວາ​ໄດ້​ເຮັດ ກຳລັງ​ເຮັດ ແລະ​ຈະ​ເຮັດ.—ໂລມ 8:31, 32.