ຊີວິດຄລິດສະຕຽນ
ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ການຕິດຕໍ່ກັບທຸກຄົນໃນເຂດປະກາດ
ເປັນຫຍັງຈຶ່ງສຳຄັນ? ຊາກາລີໄດ້ພະຍາກອນວ່າຈະມີຜູ້ຄົນຈາກທຸກຊາດທຸກພາສາຕອບຮັບຂ່າວດີ. (ຊກາ. 8:23) ແຕ່ໃຜຈະສອນພວກເຂົາ? (ໂລມ 10:13-15) ພວກເຮົາມີສິດທິພິເສດແລະມີສ່ວນຮ່ວມໃນການປະກາດຂ່າວດີກັບທຸກຄົນໃນເຂດປະກາດຂອງເຮົາ.—ອກ ໜ້າ 84 ຫຍໍ້ໜ້າ 10-11
ສິ່ງທີ່ຄວນເຮັດ:
-
ກຽມຕົວ: ໃນເຂດຂອງເຈົ້າມີຄົນເວົ້າພາສາອື່ນບໍ? ເຈົ້າສາມາດໃຊ້ແອັບ JW Language ເພື່ອຮຽນຮູ້ວິທີສະເໜີແບບງ່າຍໆ ຫຼືໃຊ້ໂທລະສັບມືຖືຂອງເຈົ້າເພື່ອຊ່ວຍລາວໃຫ້ຮູ້ວິທີຊອກຫາຂໍ້ມູນຢູ່ໃນເວັບໄຊ jw.org ໃນພາສາຂອງລາວເອງ.
-
ເປັນຄົນຊ່າງສັງເກດ: ເມື່ອປະກາດຕາມບ້ານເຮືອນ ເຈົ້າອາດພົບກັບຫຼາຍຄົນ ດັ່ງນັ້ນຢ່າປ່ອຍໃຫ້ໂອກາດເສຍໄປ ເຈົ້າສາມາດລົມກັບຄົນທີ່ຍ່າງນຳທາງຫຼືຄົນທີ່ຖ້າຢູ່ໃນລົດ. ຖ້າເຈົ້າມີສ່ວນຮ່ວມໃນການປະກາດໃນບ່ອນສາທາລະນະຂໍໃຫ້ຈື່ວ່າເປົ້າໝາຍຂອງເຈົ້າແມ່ນການປະກາດ.
-
ເປັນຄົນດຸໝັ່ນ: ພະຍາຍາມກັບໄປຫາຄົນທີ່ບໍ່ຢູ່ເຮືອນໃນຕອນທຳອິດທີ່ເຈົ້າປະກາດ. ຢ່າງໜ້ອຍໃຫ້ໄດ້ລົມກັບຄົນໜຶ່ງໃນເຂດທີ່ຢູ່ອາໄສ ບາງທີອາດຈະໄປເວລາອື່ນຫຼືປ່ຽນມື້ໄປ. ເຮົາອາດຕ້ອງຕິດຕໍ່ກັບເຈົ້າຂອງເຮືອນບາງຄົນໂດຍທາງຈົດໝາຍ ໂທລະສັບ ຫຼືການປະກາດຕາມຫົນທາງ.
-
ຕິດຕາມ: ກັບໄປຢາມຄົນທີ່ສະແດງຄວາມສົນໃຈໃຫ້ໄວເທົ່າທີ່ຈະເປັນໄປໄດ້ ຖ້າຄົນນັ້ນເວົ້າພາສາອື່ນອາດຂໍຄົນທີ່ສາມາດຊ່ວຍລາວໃຫ້ເຂົ້າໃຈໃນພາສາຂອງລາວໄດ້. ເຈົ້າຄວນຈະໂທຫາຄົນນັ້ນຕໍ່ໄປຈົນກວ່າຈະໄດ້ຮັບການຕິດຕໍ່ຈາກພີ່ນ້ອງທີ່ເວົ້າພາສາດຽວກັບລາວ.—ອກ ໜ້າ 94 ຫຍໍ້ໜ້າ 39–40
ເບິ່ງວິດີໂອປະກາດ “ຈົນເຖິງທີ່ສຸດປາຍແຜ່ນດິນໂລກ” ແລ້ວຕອບຄຳຖາມຕໍ່ໄປນີ້:
-
ພີ່ນ້ອງໄດ້ກະກຽມຫຍັງແດ່ເພື່ອໄປພົບຜູ້ຄົນໃນເຂດປະກາດທີ່ຢູ່ຫ່າງໄກ? (1 ໂກ. 9:22, 23)
-
ມີຂໍ້ທ້າທາຍຫຍັງແດ່ທີ່ພີ່ນ້ອງຕ້ອງປະສົບ?
-
ມີພອນອັນໃດແດ່ທີ່ເຮັດໃຫ້ພີ່ນ້ອງມີຄວາມສຸກ?
-
ເຈົ້າສາມາດເຮັດອັນໃດໄດ້ແດ່ໃນການຕິດຕໍ່ກັບຄົນທີ່ຢູ່ໃນເຂດປະກາດໃຫ້ຫຼາຍຂຶ້ນ?
