ຊີວິດຄລິດສະຕຽນ

ເຈົ້າກຳລັງໄດ້ຮັບປະໂຫຍດຈາກປຶ້ມການພິຈາລະນາຂໍ້ພະຄຳພີປະຈຳວັນບໍ?

ເປີດ

ເຈົ້າອ່ານຂໍ້ພະຄຳພີແລະຄຳອະທິບາຍຈາກປຶ້ມການພິຈາລະນາຂໍ້ພະຄຳພີປະຈຳວັນ ເປັນປະຈຳເພື່ອເສີມຄວາມເຊື່ອຂອງເຈົ້າບໍ? ຖ້າບໍ່ໄດ້ເຮັດ ເຈົ້າຈະເຮັດແບບນັ້ນເປັນປະຈຳໄດ້ແນວໃດ? ຫຼາຍຄົນອ່ານຂໍ້ພະຄຳພີປະຈຳວັນໃນຕອນເຊົ້າ ເພື່ອພວກເຂົາຈະຄິດຕຶກຕອງສິ່ງທີ່ໄດ້ອ່ານຕອນທີ່ເຮັດກິດຈະກຳອື່ນໆຕັ້ງແຕ່ເຊົ້າຮອດຄ່ຳ. (ຢຊວຍ 1:8; ເພງ 119:97) ເຈົ້າຈະເຮັດແນວໃດເພື່ອໄດ້ຮັບປະໂຫຍດຫຼາຍຂຶ້ນຈາກຂໍ້ພະຄຳພີປະຈຳວັນ? ໃຫ້ອ່ານແວດບົດຂອງຂໍ້ພະຄຳພີນັ້ນເພື່ອຈະເຂົ້າໃຈພູມຫຼັງ ແລະພະຍາຍາມຄິດເຖິງຕົວຢ່າງຂອງບາງຄົນໃນຄຳພີໄບເບິນທີ່ເຮັດຕາມຫຼັກການທີ່ເນັ້ນໃນຂໍ້ພະຄຳພີປະຈຳວັນ. ແລ້ວເຈົ້າເອງກໍພະຍາຍາມເອົາຫຼັກການນັ້ນໄປໃຊ້ໃນຊີວິດ. ເມື່ອເຈົ້າຄິດເຖິງຄຳສອນຂອງພະເຈົ້າຕອນທີ່ຕັດສິນໃຈໃນເລື່ອງຕ່າງໆ ນີ້ກໍສະແດງວ່າເຈົ້າໃຫ້ຄຳສອນຂອງພະເຈົ້າຊີ້ນຳຊີວິດແລະເຈົ້າກໍໄດ້ຮັບປະໂຫຍດແທ້ໆ.—ເພງ 119:105

ຄອບຄົວເບເທນທົ່ວໂລກພິຈາລະນາປຶ້ມການພິຈາລະນາຂໍ້ພະຄຳພີປະຈຳວັນ ໃນຕອນເຊົ້າ. ໃນບໍ່ເທົ່າໃດປີມານີ້ ມີຫຼາຍເລື່ອງທີ່ລົງໃນລາຍການໂທລະທັດ JW ໃນໝວດການປະຊຸມໃຫຍ່ແລະເຫດການເດັ່ນໆ. ເຈົ້າເບິ່ງວິດີໂອເຫຼົ່ານັ້ນຄັ້ງຫຼ້າສຸດຕອນໃດ? ເນື້ອເລື່ອງໃນບາງວິດີໂອອາດກົງກັບຄວາມຈຳເປັນຂອງເຈົ້າພໍດີ. ຕົວຢ່າງເຊັ່ນ: ເລື່ອງຂອງໂລດອາດສົ່ງຜົນແນວໃດຕໍ່ການຕັດສິນໃຈຂອງເຈົ້າ?

ເບິ່ງວິດີໂອຢ່າຮັກໂລກ (1ຢຮ 2:15) ແລ້ວຕອບຄຳຖາມຕໍ່ໄປນີ້:

ຫຼັກການຫຍັງໃນຄຳພີໄບເບິນທີ່ເນັ້ນໃນການນະມັດສະການຕອນເຊົ້າຄັ້ງນີ້?
ເລື່ອງຂອງໂລດສະແດງໃຫ້ເຫັນແນວໃດວ່າການຮັກໂລກຫຼືສິ່ງຂອງໃນໂລກເປັນເລື່ອງທີ່ອັນຕະລາຍ?—ຕົ້ນ 13:12; 14:12; 19:3, 12, 13, 24-26
ເຮົາຈະເຮັດແນວໃດເພື່ອສະແດງວ່າເຮົາຮັກພະເຢໂຫວາ ບໍ່ໄດ້ຮັກໂລກຫຼືສິ່ງຂອງໃນໂລກ?

ຕັ້ງແຕ່ເຊົ້າຮອດຄ່ຳ ຂ້ອຍຈະເຮັດໃຫ້ເຫັນແນວໃດວ່າຂ້ອຍຮູ້ຄຸນຄ່າຄຳສອນຂອງພະເຢໂຫວາ?

ວັນທີ 17-23 ກຸມພາ