ເຄັດລັບການຄົ້ນຄວ້າ
ໃຊ້ຄຳພີໄບເບິນເປັນຄືກັບແວ່ນ
ອັກຄະສາວົກຢາໂກໂບສົມທຽບຄຳພີໄບເບິນເປັນຄືກັບແວ່ນເພື່ອຊ່ວຍເຮົາໃຫ້ເຫັນວ່າເຮົາເປັນຄົນແນວໃດແທ້ໆ. (ຢກບ. 1:22-25) ດັ່ງນັ້ນ ເຮົາຈະໃຊ້ຄຳພີໄບເບິນໃຫ້ເປັນຄືກັບແວ່ນໄດ້ແນວໃດ?
ອ່ານຄຳພີໄບເບິນຢ່າງລະອຽດ. ຕອນທີ່ເຮົາແຍງແວ່ນ ຖ້າເຮົາເບິ່ງບໍ່ຄັກ ເຮົາອາດບໍ່ເຫັນຈຸດຕຳໜິບາງຈຸດທີ່ຢູ່ໂຕເຮົາ. ຄ້າຍຄືກັນ ຖ້າເຮົາອ່ານຄຳພີໄບເບິນແບບຜ່ານໆເຮົາກໍອາດບໍ່ຮູ້ວ່າເຮົາມີຈຸດໃດທີ່ຕ້ອງປ່ຽນແປງ. ສະນັ້ນ ເຮົາຈຶ່ງຕ້ອງອ່ານຄຳພີໄບເບິນຢ່າງລະອຽດ.
ອ່ານແລ້ວຄິດວ່າຈະເອົາມາໃຊ້ກັບໂຕເອງແນວໃດ ບໍ່ແມ່ນຄິດເຖິງແຕ່ຄົນອື່ນ. ບາງເທື່ອຕອນທີ່ເຮົາແຍງແວ່ນ ເຮົາອາດເຫັນຄົນອື່ນຢູ່ຫັ້ນນຳ ແລະເຮົາອາດຈະເບິ່ງແຕ່ຈຸດເສຍຂອງຜູ້ນັ້ນ. ຄ້າຍຄືກັນ ຕອນທີ່ເຮົາອ່ານຄຳພີໄບເບິນ ເຮົາອາດຄິດແຕ່ວ່າຄົນອື່ນຄວນປັບປຸງໂຕເອງແນວໃດ ແຕ່ການເຮັດແບບນີ້ບໍ່ໄດ້ປັບປຸງແກ້ໄຂໂຕເຮົາເລີຍ.
ເປັນຄົນມີເຫດຜົນ. ຖ້າເຮົາແຍງແວ່ນແລ້ວເບິ່ງແຕ່ຈຸດທີ່ບໍ່ດີຂອງໂຕເອງ ເຮົາອາດຮູ້ສຶກທໍ້ໃຈ. ສະນັ້ນ ຕອນທີ່ອ່ານຄຳພີໄບເບິນເຮົາຕ້ອງເປັນຄົນມີເຫດຜົນໂດຍບໍ່ຄາດໝາຍກັບໂຕເອງຫຼາຍເກີນໄປເຊິ່ງພະເຢໂຫວາກໍບໍ່ໄດ້ຄາດໝາຍກັບເຮົາຫຼາຍເກີນໄປ.—ພສ. 103:14
