ບົດທີ 21

ມີການປະກາດຂ່າວດີແນວໃດ?

ເປີດ

ອີກບໍ່ດົນພະເຢໂຫວາຈະໃຫ້ການປົກຄອງຂອງເພິ່ນມາເຮັດໃຫ້ບັນຫາທຸກຢ່າງໝົດໄປ. ນີ້ເປັນຂ່າວທີ່ດີຫຼາຍແລະເຮົາຢາກໃຫ້ຄົນອື່ນຮູ້ເລື່ອງນີ້. ພະເຢຊູກໍຢາກໃຫ້ລູກສິດຂອງເພິ່ນບອກຂ່າວດີນີ້ກັບທຸກຄົນ! (ມັດທາຍ 28:19, 20) ແລ້ວພະຍານພະເຢໂຫວາເຮັດຕາມຄຳສັ່ງຂອງພະເຢຊູແນວໃດ?

1. ສິ່ງທີ່ບອກໄວ້ໃນມັດທາຍ 24:14 ກຳລັງເກີດຂຶ້ນແທ້ໃນທຸກມື້ນີ້ແນວໃດ?

ພະເຢຊູບອກໄວ້ວ່າ: “ຈະມີການປະກາດຂ່າວດີເລື່ອງການປົກຄອງຂອງພະເຈົ້າໄປທົ່ວໂລກ.” (ມັດທາຍ 24:14) ພະຍານພະເຢໂຫວາມີຄວາມສຸກທີ່ໄດ້ເຮັດວຽກສຳຄັນນີ້. ພວກເຮົາປະກາດຂ່າວດີໄປທົ່ວໂລກຫຼາຍກວ່າ 1.000 ພາສາ! ວຽກໃຫຍ່ແບບນີ້ຕ້ອງໃຊ້ເວລາແລະກຳລັງຫຼາຍແລະຕ້ອງມີການຈັດລະບຽບຢ່າງດີ. ວຽກນີ້ຈະບໍ່ມີທາງສຳເລັດໄດ້ເລີຍຖ້າພະເຢໂຫວາບໍ່ຊ່ວຍ.

2. ເຮົາເຮັດຫຍັງແດ່ເພື່ອປະກາດຂ່າວດີໃຫ້ຄົນອື່ນຟັງ?

ເຮົາໄປປະກາດທຸກບ່ອນທີ່ເຮົາຈະເຈິຜູ້ຄົນໄດ້ ແລະຄືກັບທີ່ຄລິດສະຕຽນລຸ້ນທຳອິດເຮັດ ພວກເຮົາໄປປະກາດ “ຕາມບ້ານເຮືອນ” ນຳ. (ກິດຈະການ 5:42) ນີ້ເຮັດໃຫ້ເຮົາໄດ້ລົມກັບຫຼາຍລ້ານຄົນໃນແຕ່ລະປີ. ແຕ່ບາງເທື່ອຜູ້ຄົນກໍບໍ່ຄ່ອຍຢູ່ເຮືອນ ເຮົາກໍເລີຍປະກາດໃນບ່ອນສາທາລະນະນຳ. ເຮົາຈະຊອກຫາໂອກາດສະເໝີເພື່ອບອກຄົນອື່ນເລື່ອງພະເຢໂຫວາແລະສິ່ງດີໆທີ່ເພິ່ນຈະເຮັດ.

3. ໃຜມີໜ້າທີ່ປະກາດຂ່າວດີ?

ຄລິດສະຕຽນແທ້ທຸກຄົນມີໜ້າທີ່ປະກາດຂ່າວດີໃຫ້ຄົນອື່ນຟັງ. ເຮົາຖືວ່າວຽກນີ້ສຳຄັນຫຼາຍ. ເຮົາປະກາດຫຼາຍທີ່ສຸດເທົ່າທີ່ຈະເຮັດໄດ້ຍ້ອນເຮົາຮູ້ວ່າການເຮັດແບບນີ້ເປັນການຊ່ວຍຊີວິດຜູ້ຄົນ. (ອ່ານ 1 ຕີໂມທຽວ 4:16) ເຮົາບໍ່ໄດ້ຮັບຄ່າຈ້າງສຳລັບວຽກນີ້ ຍ້ອນຄຳພີໄບເບິນບອກວ່າ: “ພວກເຈົ້າໄດ້ມາລ້າໆ ກໍເອົາໃຫ້ຄົນອື່ນລ້າໆ.” (ມັດທາຍ 10:7, 8) ເຖິງວ່າບາງຄົນຈະບໍ່ສົນໃຈຂ່າວດີ ແຕ່ເຮົາກໍປະກາດຕໍ່ໄປຍ້ອນເຮົາເຊື່ອຟັງພະເຢໂຫວາແລະຢາກເຮັດໃຫ້ເພິ່ນມີຄວາມສຸກ.

ຮຽນຮູ້ຫຼາຍຂຶ້ນ

ພະຍານພະເຢໂຫວາເຮັດຫຍັງເພື່ອຈະປະກາດໄປທົ່ວໂລກແລະພະເຢໂຫວາຊ່ວຍເຮົາແນວໃດ.

ວຽກປະກາດທີ່ເຮັດຢູ່ທົ່ວໂລກ: (ກ) ກົດສະຕາຣິກາ (ຂ) ສະຫະລັດອາເມຣິກາ (ຄ) ເບນິນ (ງ) ໄທ (ຈ) ເກາະແຢັບ (ສ) ສະວີເດນ

4. ເຮົາພະຍາຍາມທີ່ຈະໄປຫາທຸກຄົນ

ພະຍານພະເຢໂຫວາພະຍາຍາມເຮັດທຸກຢ່າງເພື່ອໃຫ້ຂ່າວດີໄປເຖິງທຸກຄົນບໍ່ວ່າເຂົາເຈົ້າຈະຢູ່ບ່ອນໃດ. ເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:

ວິດີໂອ: ປະກາດ “ຈົນຮອດສຸດຂອບໂລກ” (7:33)

ຈາກວິດີໂອ ເຮົາເຫັນວ່າພະຍານພະເຢໂຫວາພະຍາຍາມໄປປະກາດທຸກບ່ອນ ມີຫຍັງແດ່ທີ່ເຈົ້າຮູ້ສຶກປະທັບໃຈ?

ອ່ານມັດທາຍ 22:39 ແລະໂຣມ 10:13-15 ແລ້ວລົມກັນກ່ຽວກັບຄຳຖາມຕໍ່ໄປນີ້:

ເປັນຫຍັງການປະກາດຈຶ່ງສະແດງໃຫ້ເຫັນວ່າເຮົາຮັກຄົນອື່ນແທ້ໆ?
ພະເຢໂຫວາຮູ້ສຶກແນວໃດກັບຄົນທີ່ປະກາດຂ່າວດີ?—ເບິ່ງຂໍ້ 15

5. ເຮົາເປັນເພື່ອນຮ່ວມງານຂອງພະເຈົ້າ

ຫຼາຍຄົນເລົ່າເລື່ອງທີ່ເຮັດໃຫ້ຮູ້ວ່າພະເຢໂຫວາກຳລັງເບິ່ງແຍງວຽກປະກາດຢູ່. ຕົວຢ່າງເຊັ່ນ ຕອນບ່າຍມື້ໜຶ່ງຢູ່ປະເທດນິວຊີແລນ ພີ່ນ້ອງຊາຍທີ່ຊື່ພໍລ໌ໄປປະກາດຕາມບ້ານເຮືອນ. ລາວໄດ້ເຈິກັບຜູ້ຍິງຄົນໜຶ່ງທີ່ໄດ້ອະທິດຖານເຖິງພະເຢໂຫວາໃນຕອນເຊົ້າ. ຜູ້ຍິງຄົນນັ້ນເອີ້ນຊື່ຂອງເພິ່ນໃນຄຳອະທິດຖານແລະຂໍໃຫ້ມີໃຜຈັກຄົນໜຶ່ງມາຫາ. ພີ່ນ້ອງພໍລ໌ເວົ້າວ່າ “ແລ້ວຂ້ອຍກໍມາປະກາດຢູ່ເຮືອນຂອງລາວຫຼັງຈາກທີ່ລາວອະທິດຖານຜ່ານໄປພຽງແຕ່ສາມຊົ່ວໂມງ.”

ອ່ານ 1 ໂກຣິນໂທ 3:9 ແລ້ວລົມກັນກ່ຽວກັບຄຳຖາມຕໍ່ໄປນີ້:

ເປັນຫຍັງເລື່ອງທີ່ເກີດຂຶ້ນໃນປະເທດນິວຊີແລນແລະໃນອີກຫຼາຍໆບ່ອນ ເຮັດໃຫ້ເຮົາໝັ້ນໃຈວ່າພະເຢໂຫວາເບິ່ງແຍງວຽກປະກາດຢູ່?

ອ່ານກິດຈະການ 1:8 ແລ້ວລົມກັນກ່ຽວກັບຄຳຖາມຕໍ່ໄປນີ້:

ເພື່ອຈະເຮັດວຽກປະກາດໄດ້ສຳເລັດ ເປັນຫຍັງເຮົາຈຶ່ງຕ້ອງໃຫ້ພະເຢໂຫວາຊ່ວຍ?

ເຈົ້າຮູ້ບໍ?

ເຮົາມີການປະຊຸມກາງອາທິດເປັນປະຈຳ ການປະຊຸມນີ້ຈະຊ່ວຍຝຶກເຮົາໃຫ້ປະກາດເກັ່ງຂຶ້ນ. ຖ້າເຈົ້າເຄີຍໄປປະຊຸມກາງອາທິດແລ້ວ ເຈົ້າຄິດແນວໃດກັບການຝຶກອົບຮົມແບບນີ້?

6. ເຮົາເຊື່ອຟັງຄຳສັ່ງຂອງພະເຈົ້າທີ່ໃຫ້ໄປປະກາດ

ໃນສະຕະວັດທຳອິດມີບາງຄົນພະຍາຍາມຫ້າມລູກສິດຂອງພະເຢຊູບໍ່ໃຫ້ປະກາດ. ຄລິດສະຕຽນລຸ້ນທຳອິດເລີຍປົກປ້ອງສິດໃນການປະກາດຂອງເຂົາເຈົ້າໂດຍ “ເຮັດໃຫ້ການປະກາດຂ່າວດີເປັນທີ່ຍອມຮັບຕາມກົດໝາຍ.” (ຟີລິບປອຍ 1:7) ພະຍານພະເຢໂຫວາໃນທຸກມື້ນີ້ກໍເຮັດແບບດຽວກັນ. a

ເປີດວິດີໂອ.

ວິດີໂອ: ເຮັດໃຫ້ການປະກາດຂ່າວດີເປັນທີ່ຍອມຮັບຕາມກົດໝາຍ (2:28)

ອ່ານກິດຈະການ 5:27-42 ແລ້ວລົມກັນກ່ຽວກັບຄຳຖາມຕໍ່ໄປນີ້:

ເປັນຫຍັງເຮົາຈຶ່ງບໍ່ເຊົາປະກາດ?—ເບິ່ງຂໍ້ 29, 38 ແລະ 39

ບາງຄົນອາດຖາມວ່າ: “ເປັນຫຍັງພະຍານພະເຢໂຫວາຕ້ອງໄປເຜີຍແຜ່ຕາມເຮືອນ?”

ຖ້າມີຄົນຖາມແບບນີ້ ເຈົ້າຈະຕອບແນວໃດ?

ສະຫຼຸບ

ພະເຢຊູສັ່ງລູກສິດຂອງເພິ່ນໃຫ້ປະກາດຂ່າວດີກັບຄົນທຸກຊາດ. ພະເຢໂຫວາກຳລັງຊ່ວຍຄົນຂອງເພິ່ນໃຫ້ເຮັດວຽກນີ້.

ຄຳຖາມທົບທວນ

ມີການປະກາດຂ່າວດີໄປທົ່ວໂລກແນວໃດ?
ເປັນຫຍັງການປະກາດຈຶ່ງສະແດງໃຫ້ເຫັນວ່າເຮົາຮັກຄົນອື່ນແທ້ໆ?
ເຈົ້າຄິດວ່າວຽກປະກາດຈະເຮັດໃຫ້ເຮົາມີຄວາມສຸກບໍ? ເປັນຫຍັງຈຶ່ງຄິດແບບນັ້ນ?

ມື້ທີ່ຮຽນຈົບບົດນີ້

ສິ່ງທີ່ເຈົ້າເຮັດໄດ້

ໃຫ້ເຈົ້າລອງຖາມພີ່ນ້ອງບາງຄົນຢູ່ຫໍປະຊຸມວ່າ ຕອນທີ່ເລີ່ມປະກາດໃໝ່ໆມີຫຍັງບໍທີ່ເຮັດໃຫ້ລາວຮູ້ສຶກວ່າການປະກາດເປັນເລື່ອງຍາກ ແລະເມື່ອໄດ້ປະກາດເລື້ອຍໆ ມີຫຍັງແດ່ທີ່ເຮັດໃຫ້ລາວມີຄວາມສຸກ?

ອື່ນໆ:

ສິ່ງທີ່ເຈົ້າເຮັດໄດ້